မေလ ၁၆ ရက် ၂၀၁၂
ဟန်လင်း
လာဘ်စားမှုသံသရာ
ခေတ်မီတပ်မတော်တရပ်ရဲ့ရှေ့ခရီးမှာ ဆောင်ရန်ရှောင်ရန်ကိစ္စအ၀၀ကို သမိုင်းနမူနာများ ထုတ်လို့ အပိုင်းလိုက် ခွဲခြား တင်ပြလျှက် ရှိရာမှာ ဒီတပါတ်မှာတော့ ဘယ်သူခွဲခွဲ ဒို့မကွဲဆိုတဲ့ တပ်မတော်ကြီးကို အတွင်းလှိုက် ဖြိုခွဲ နေတဲ့ အဓိက အချက်လေး တခုအကြောင်း ပြောပါမယ်။ နံမည်သာ ဆိုးပြီး ရတဲ့သူတိုင်း အကျိုးများစေတဲ့ လာဘ် ပေးလာဘ်ယူ ဆိုင်ရာ ကိစ္စများပါ။ ပြင်ပရန်သူ ထက်ကိုပို ဆိုးဝါးလွန်းသူ တပ်မတော်ကြီးရဲ့ အတွင်း ရန်သူပါ။
စစ်တပ်က အုပ်စိုးခဲ့တဲ့ အထင်ကရခေတ်ကြီး၂ခု မြန်မာပြည်မှာရှိခဲ့ပြီး အရင်စစ်အုပ်စု ဗိုလ်နေ၀င်းလက်ထက်က ရာထူးဖြုတ်ပြစ်ချင်တဲ့ လူတွေအတွက် သောက်မြင်ကပ် ပုဒ်မ တခု အဖြစ် လာဘ်စားမှု အာဏာ အလွဲသုံးမှု ဆိုတဲ့ ခေါင်းစဉ်များသုံးပြီး အိမ်ရိုက်သံ လိုမျိုး စီးကရက်သေတ္တာ တချို့ကို ပုံကြီးချဲ့ပြီးဖေါ်ပြ ခဲ့တာမို့ ဒီလောက် နည်းပါးတဲ့ ပမာဏလေးနဲ့ ဗိုလ်ချုပ်တွေကို ဖြုတ်ပြစ်ရတာလို့ ပြည်ပက လူတိုင်း သရော်စရာ ဖြစ်ခဲ့ပါတယ်။
သူ့နောက်တက်န၀တ-နအဖ စစ်အုပ်စုကတော့ စပြီး အာဏာလွှဲပြီဆိုကတည်းက လာဘ်ပေးလာဘ်ယူလိုက်ကြ တာ ကနေ့အထိ အစိုးရသစ် ဖွဲ့ပြီးတာတောင် အဆုံး မသတ်နိုင်သေး ပါဘူး။ န၀တ ကောင်စီမှာ ကာကွယ်ရေးဌာန စစ်ဆင်ရေး အထူးအဖွဲ့ ၂ မှူး နောက် မွေး/ရေ လုပ်ငန်းဝန်ကြီး ဗိုလ်ချုပ် ချစ်ဆွေကို အပါတ်စဉ် ဒေါ်လာ(၇၅၀၀)လောက် လာဘ်ထိုး ခဲ့ရဖူးကြောင်း ငါးဖမ်း သင်္ဘောအစင်း ၁၀၀ လောက် ပိုင်သူ ထိုင်းလုပ်ငန်းရှင် တဦးက ဖွင့်ချပါတယ်။ တွင်း(၂)လုပ်တဲ့ ရဟတ်ယာဉ် ပျက်ကျသူ ဗိုလ်ချုပ် တင်ဦးဟာ တိကျပြီး အလွန်ရစ်တတ်သူ တဦးဖြစ်တာမို့ သူ့သားကပဲ တန်ဖိုးကြီး မာစီးဒီဘင့် ကားတွေကို လက်ခံတတ်ပါ တယ်။ လုံးဝ လာဘ်မယူ တတ်သူလို့ ထင်မှတ်ထားကြတဲ့ ဗိုလ်ချုပ်ခင်ညွန့် ကိုလည်း စီးပွားရေး လုပ်ငန်းရှင် တဦးက ကုန်စည်ပြပွဲ ဖိတ်စာကို ရွှေသား အစစ်မှာ စိန်စီပြီး အောက်လမ်းနည်းနဲ့ လာဘ်ထိုးခဲ့ပြီး ကုမ္မဏီမှာ သူ့သားကို အစုရှယ်ယာ ထည့်ပေးတာ စင်္ကာပူမှာ ဘဏ်စာရင်း ဖွင့်လို့ ဒေါ်လာ တသန်း ထည့်ပေး ခဲ့ပါတယ်လို့ သိရပါတယ်။
ဗိုလ်ချုပ်မှူးကြီး သန်းရွှေရဲ့ လာဘ်စားမှုသတင်းကို လုံးဝမကြားရပေမယ့် သူ့သမီးသန္တာရွှေရဲ့ ဒေါ်လာ သန်း ၅၀ တန် စိန်စီသော မင်္ဂလာပွဲ။ မြေးဖြစ်သူ နေရွှေသွေးအောင် ခေါ် ဖိုးလပြည့်ရဲ့ ဒေါ်လာ ၂ သောင်းခွဲဖိုး မွေးနေ့ပွဲတွေ ကိုတော့ လက်ဝေခံ စီးပွားရေး သမားများက အကျိုးဆောင်ပေးကြပါတယ်။
သူ့လိုပဲ ဗိုလ်ချုပ်ရဲမြင့်သား ရဲတံခွန် ဆောက်လုပ်ရေးပိုင်ရှင် အောင်ဇော်ရဲမြင့် ၊ သစ်တောဝန်ကြီး ဦးအောင်ဖုန်း သားတွေဖြစ်တဲ့ စစ်တိုင်းအောင် စစ်သွေးအောင်။ ဦးအောင်သောင်း ရဲ့ သား နေအောင်ပိုင် အောင်ရည်ဖြိုး ကုမ္ပဏီ စတဲ့ဖြစ်ရပ်တွေ အားလုံးဟာ န၀တ-နအဖ ခေတ် စစ်ထိပ်သီးများနဲ့ လက်ဝေခံ လုပ်ငန်းရှင်တို့ရဲ့ သိသာမြင်လွယ်တဲ့ လာဘ်စားမှု ကွင်းဆက်တွေပါပဲ။
န၀တ-နအဖ ခေတ်စစ်ထိပ်သီး ဗိုလ်ချုပ်တွေ တိုင်းပြည်မှာ စီမံကိန်းတွေချပြီး အကောင်အထည်ဖေါ်လေတိုင်း လက်ဝေခံ လုပ်ငန်းရှင်တွေသာ အမြတ် ထွက်ပြီး လက်မှတ်ထိုး ခွင့်ပြုချက် ချပေးနိုင်သူ တနည်းအားဖြင့် သေနတ် မကိုင်ဘဲ ဖေါင်တိန် ကိုင်ပြီး လုပ်ပိုင်ခွင့်တွေ ချပေးနိုင်တဲ့ ဗိုလ်ချုပ်တိုင်း လိုလို စီးပွားဖြစ်ကုန်တာ ချည်းပါပဲ။ ရလာ တဲ့စီးပွားဥစ္စာတွေကို ဗိုလ်ချုပ်ရဲ့သား၊ တူ၊ ညီများနဲ့ မယားကြီးငယ် တို့က နောက်ပိုင်းမှ စီမံခန့်ခွဲကြပါတယ်။ ဒါ ကြောင့်လည်း ဗိုလ်ချုပ်မှူးကြီး ကိုယ်တိုင်(ငါ့)(၄)လုံးကိုရှောင်ဖို့ အမြဲ ဆင်ချွန်း တုပ်သလိုမျိုး သူ့လူတွေကို မကြာ ခဏ သတိပေးပြီး ပြောခဲ့တာပါ။
န၀တ-နအဖ အဖြစ်စပွဲထွက်ပြီဆိုကတည်း စစ်ကောင်စီဝင်ထိပ်သီးတွေနဲ့ ၀န်ကြီးလုပ်သူတွေကိုယ်တိုင်က ဒီလို လာဘ်စားမှုတွေနဲ့ မကင်းလေတော့ရာ မကြာခင် လက်အောက်က တိုင်းအဆင့် ဗိုလ်ချုပ်တွေပါ လာဘ်စား တတ်ကုန်တာ ဟာမဆန်းပါဘူး။ အများစုဟာ အိုးအိမ်မြေယာ ကိုယ်ပိုင် အဖြစ် ရယူပိုင်ဆိုင်ခြင်း မြေယာနဲ့ သက်ဆိုင်တဲ့ သစ်တော၊ သတ္တု လုပ်ပိုင်ခွင့်များ ချပေးခြင်း တို့လို့ ကိစ္စမျိုးတွေပါ။ ကိုယ်ပိုင် စစ်တိုင်း စစ်နယ်ထဲမှာ လက်ညှိုးထိုးပြီး မြေသိမ်းခွင့် ရှိနိုင်တာကလည်း သူတုို့ အဆင့်တွေပဲ မဟုတ်ပါလား။
အရပ်သားတဦးအတွက် ဒါးမဦးချ ကိုယ်လုပ်ခဲ့တဲ့လယ်ယာမြေကို တရားဝင်ဖြစ်သွားအောင်လို့ မြေယာ ပုံစံ (လန၃၉) တခု လိုချင်တယ် ဆိုရင်နှစ်နဲ့ ချီပြီးစောင့်ဆိုင်းဖို့ လိုပေမဲ့ စစ်တပ်ကတော့ မြေတိုင်းစာရေး ကို ဆင့်ခေါ် ပြီး နေ့ချင်းပြီး လုပ်ပိုင်ခွင့်ရှိပါတယ်။
ဒါကြောင့်လည်း မြေများများပိုင်တဲ့ တိုင်းအဆင့်ဗိုလ်ချုပ်နဲ့ ဗိုလ်မှူးချုပ်အဆင့်တိုင်း သိန်းထောင်နဲ့ချီ ကြီးပွား ကြပါ တယ်။ မကြာသေးခင်လေး ကမှ ရခိုင်ပြည်နယ်မှာ တိုင်းမှူးဟောင်း ဗိုလ်ချုပ်သောင်းအေး ကတော်က သံတွဲ ငပလီက လူထုအများ အပန်းဖြေနေရာကို ကိုယ်ပိုင်ပြုလျှောက်ထားခဲ့လို့ ပြဿနာ တက်ရပါတော့တယ်။ အစဉ် အဆက် တိုင်းမှူး လုပ်သွားသူတွေ ပယက၊ ခယက လုပ်သွားသူတွေဖြစ်တဲ့ ဗိုလ်ချုပ်မြင့်အောင် ဗိုလ်ချုပ်အောင် ထွေးနဲ့ ဗိုလ်မှူးကြီးဝင်းဟန် ဗိုလ်မှူးမောက်ကို အဆင့်ရှိသူတွေလည်း ငပလီ မှာ မြေယာတွေ အများကြီးပိုင်ထား ကြတာပါပဲ။ ကျောက်ဖြူ ဖက်မှာလည်း ဗိုလ်ချုပ်ဟောင်းတွေ ပိုင်ထားတဲ့ မြေအများ ရှိနေပါသေးတယ်။
၂၀၁၁ခုနှစ်ဇူလိုင်နောက်ဆုံးပါတ်လောက်မှာ ကာကွယ်ရေးဦးစီးချုပ်သစ် ဗိုလ်ချုပ်မင်းအောင်လှိုင်က စစ်ထောက် ချုပ်ဗိုလ်ချုပ်ဝေလွင်၊ စစ်ရေးချုပ် ဗိုလ်ချုပ်ခင်ဇော်ဦး တို့ ၂ယောက်ကို လာဘ်ပေးမှု အာဏာ အလွဲသုံးမှုတွေနဲ့ စစ် ဆေးခဲ့ပြီး အဲဒီနှစ်အတွင်းမှာကိုပဲ ဒုဗိုလ်ချုပ်ကြီး သူရမြင့်အောင်၊ ဗိုလ်မှူးချုပ် ထွန်းသန်း၊ ဗိုလ်ချုပ်တင်ငွေ၊ ဗိုလ် ချုပ်ကျော်ဖြိုးစတဲ့ စစ်ထိပ်သီး တချို့ကို ရာထူးဖြုတ်ခံခဲ့ရပါတယ်။ ပြဿနာ အရင်းခံကတော့ အရင် တြိဂံတိုင်းမှူး၊ ရမခတိုင်းမှူး၊ စစ်ကိုင်းတိုင်းမှူး ဘ၀တွေတုံးက မြေကွက်တွေရောင်းစားခဲ့တဲ့ အကြောင်း အခု အစိုးရသစ်မှာ ၀န်ကြီးချုပ် ဖြစ်လာသူတွေက အထက်သို့ တင်ပြ လာတာကြောင့်လို့ သိရပါတယ်။ ဒါကြောင့်လည်း စစ်တပ်ထဲ မှာ ဗိုလ် ချုပ်တွေ မြေပိကုန်ကြပြီလို့ တပ်ထဲမှာ ပြောစမှတ် တွင်ရစ် ခဲ့ပါတယ်။
ဒီကနေ့အထိ ဘယ်သူမှ မတို့မထိဝံ့သေးတဲ့ ဦးပိုင်ကုမ္ပဏီထဲက လာဘ်စားမှုတွေကို ဆက်ပြောရဦးမယ် ဆိုရင် တော့ ဒီထက်ပိုပြီး ပွဲကြမ်းပါလိမ့်မယ်။ သာမန် ဦးပိုင်ကုမ္ပဏီ် စာရေးဝန်ထမ်း တယောက် ရတဲ့ လစာဟာ တစ်လ ၈ သောင်းကျော်ဖြစ်လို့ သာမန် တပ်ကြပ်တဦးထက်ကို ၂ ဆလောက် ပိုနေပါတယ်။ ဦးပိုင် လုပ်ငန်းစုများရဲ့ ဒါရိုက် တာများ အဖြစ် တာဝန်ယူနေသူ ဗိုလ်မှူးကြီး အဆင့်တွေထဲမှာ မြန်မာ့ဘီယာရောင်းချခွင့် ပါမစ် ကိုင်ထားတဲ့ ဗိုလ်မှူးကြီး ကိုကိုကြီး ဆိုရင် ရန်ကုန်၊ နေပြည်တော်မှာ ဇိမ်ခံတိုက်ကြီး၁လုံးစီနဲ့ အဖိုးတန်ကား ၃ စီးပိုင်ဆိုင်ထားပြီး တပ် ရင်း(၁၀)ရင်းကစစ်သားတွေရဲ့ လစာတပါတ်စာလောက် အသုံးစရိတ်ငွေကို ညစဉ် ပျော်ပါးသုံးဖြုန်းပါတယ်။ ကကသံ က ဗိုလ်မှူးကြီး စံအေးလှ ဆိုသူကတော့ ဦးပိုင်လက်အောက်ရှိ အင်ငါးခွ သကြားစက်စီမံကိန်းငွေ ကျပ် သန်း တထောက်လောက် အလွဲသုံးပြီး ကုမ္မဏီက ထွက်သွားပါတယ်။ ဦးပိုင်ကုမ္မဏီအစဉ်အလာအရ လာဘ်စား တဲ့ သူတွေကိုအကျယ်မချဲ့ဘဲ တခြားပြောင်းတာဝန်ပေးတဲ့ အကျဉ်းနည်းနဲ့ ဖြေရှင်းလေ့ရှိပါတယ်။
အုပ်ချုပ်ရေးပိုင်းထဲက ထင်ရှားတဲ့နောက်တဦးကတော့ ယောက်ဖ လုပ်သူကို ငွေသိန်း၃၅၀၀ ကြိုထုတ်ပေး ဒီငွေနဲ့ ကတ္တားဝယ်ပြီး စည်ပင်ကို ပြန်သွင်းခိုင်းတဲ့ နည်းနဲ့ တဖက်လှည့် လာဘ်စား တတ်သူကတော့ မန္တလေးမြို့တော်ဝန် ဗိုလ်မှူးချုပ်ဟောင်း ဦးဖုန်းဇော်ဟန်ပါ။ မန္တလေးမှာ တကွက်ကို သိန်း၂၅၀၀ကျော် တန်မြေကွက်ပေါင်း ၂၀ကျော် ပိုင် ဆိုင်ထားသူမို့ အရင် မန္တလေး တိုင်းမှူးဟောင် ဗိုလ်ချုပ်တင်ငွေထက် အဆ(၂၀)လောက် ချမ်းသာတယ်လို့ ဆိုပါတယ်။ ကြွင်းကျန်နေသေးတဲ့ အောက်ခြေ တပ်ရင်းနဲ့ ဗျူဟာ အဆင့်တွေရဲ့ လာဘ်စားမှုတွေကတော့ လူထု နဲ့ ကုန်သည် ငယ်လေးတွေ ဆီကနေ တောင်းစား ခြောက်စား ဆိုတဲ့အဆင့်လောက် သာသာ ငွေရကြတာမို့ စာမဖွဲ့ လောက်တော့ပါဘူး။
တကယ်တော့လည်း မြန်မာစစ်အုပ်စုအနေနဲ့ ယခင် သူ့ရဲ့စစ်ရေးစွမ်းရည်တွေကို စီးပွားရေးစွမ်းရည်များ အဖြစ် သို့ တစ်စတစ်စနဲ့ အစီအစဉ်တကျ ပြောင်းလဲနေတဲ့ဖြစ်စဉ်ကြီးကို ဖြတ်သန်း လို့နေတာပါ။ မမြဲသော ကမ်းနား သစ်ပင်လို အမှုထမ်း ဘ၀မျိုးထက် စာရင် စည်းစိမ်တွေကို အာမခံချက်ကောင်းတဲ့ ပြည်ပ ဘဏ်တွေမှာ အပ်နှံပြီး ကုမ္ပဏီပိုင်ရှင်များ၊ လုပ်ငန်းရှင်များ အဖြစ် အသွင်ပြောင်းနေချင် ကြပါပြီ။ တပ်နဲ့သေနတ်တွေကို ကွပ်ကဲ ကြတာထက် ဒေါ်လာ အထပ်လိုက် ကိုင်သုံးနိုင်နေတဲ့ ဗိုလ်ချုပ်အဆင့် ရှိသူတွေ မြန်မာ့ တပ်မတော်ထဲ အတော်များနေပါပြီ။
ကံကောင်းတယ်လို့ဆိုရမယ့် အချက်တခုကတော့ လာဘ်စားမှုသံသရာကြီ်းဟာ အထက်ပိုင်း အဆင့်လောက်မှာ ကြီးထွားပြီး အောက်ခြေထိ မရောက်ဘဲ ကွင်းဆက် တချို့ပြတ်နေ ခဲ့လို့သာ ဒီကနေ့အထိ မြန်မာ့ တပ်မတော်ကြီး ဖရိုဖရဲ မဖြစ်သေးတာပါ။ လာဘ်စားမှု အပေါက်အရှတွေနဲ့ ခေါင်ကစမိုးမလုံတဲ့ န၀တ-နအဖတို့ ခေတ် တပ်ဖွဲ့ စည်းပုံတွေကို ရှေ့ဆက်ပြီး ဆက်ခံသင့် မသင့် ဆိုတာကတော့ တပ်မတော်ကြီးကို ခေတ်မီမီ တည်ဆောက်လိုသူ တိုင်း အလေးထား စဉ်းစားရမယ့် အချက်တခုပဲဖြစ်နေပါတော့တယ်။
Read More...
Collapse...
ကိုသားညွန့်ဦး
အင်္ဂါ, 15 မေ 2012
မြန်မာနိုင်ငံရေး ပြောင်းလဲမှုတွေဟာ နောက်ကြောင်းပြန်မလှည့်ဘူးလို့ တရားသေသတ်မှတ်လို့ မရတဲ့ အတွက် သတိထားသွားဖို့ လိုတဲ့ အကြောင်း မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည် က ပြောပါတယ်။ အဖွဲ့ချုပ် ကိုယ်စားလှယ်တွေ အနေနဲ့ လက်ရှိ ဖွဲ့စည်းပုံပြင်ဆင်ရေးကို အရေးတကြီး ကြိုးပမ်း သွားမှာဖြစ်ပေမယ့်လို့ လွှတ်တော်ထဲမှာ စစ်တပ်ရဲ့ ထောက်ခံမှု မပါဘဲနဲ့တော့ ဖွဲ့စည်းပုံ ပြင်ဆင်ရေး မဖြစ်နိုင်သေးဘူး လို့လည်း ပြောပါတယ်။ ဒီအကြောင်းကိုတော့ ကိုသားညွန့်ဦးက တင်ပြပေးထားပါတယ်။
အမေရိကန်ပြည်ထောင်စုကနေ မြန်မာနိုင်ငံအပေါ် ပိတ်ဆို့အရေးယူထားတာတွေကို ယာယီရုပ်သိမ်းပေးဖို့ အမေရိကန် အထက်လွှတ်တော် အမတ် ဂျွန်မက်ကိန်းက ပြောကြားခဲ့တဲ့ အပေါ်မှာ သူ့အနေနဲ့ ကန့်ကွက် ဆန့်ကျင်ဖို့ မရှိဘူးလို့ ဒေါ်အောင်ဆန်းစုကြည်က ပြောခဲ့တာပါ။ အင်္ဂါနေ့ မနက်ပိုင်းက အမေရိကန် ပြည်ထောင်စု သမ္မတဟောင်း ဂျော့ခ်ျ၊ ဒဗလျူဘွတ်ရှ် အမှတ်တရ ဌာနက ကြီးမှူး ကျင်းပခဲ့တဲ့ Acceleration of Human Freedom လို့ ခေါ်တဲ့ လူသားနဲ့ လွတ်လပ်မှု အခွင့်အရေး အခမ်းအနားမှာ မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်က အင်တာနက်တဆင့် ပါဝင်ဆွေးနွေး ခဲ့ပါတယ်။ အဲဒီမှာ လက်ရှိ မြန်မာနိုင်ငံရေးနဲ့ ပတ်သက်လို့ အကော င်းမြင်လွန်းလို့ မရဘဲ သတိထားဖို့လိုတဲ့ အကြောင်း ပြောသွားတာပါ။
“အမေရိကန်နိုင်ငံသားတွေအနေနဲ့ လက်ရှိအခြေအနေမှာ ဒဏ်ခတ်ပိတ်ဆို့မှုတွေကို ဆိုင်းငံ့ပေးဖို့ သင့်လျော်တယ်လို့ ယူဆရင် ကျမအနေနဲ့ ဒါကို မကန့်ကွက် လိုပါဘူး။ ဒါပေမယ့် ဒီနေရာမှာ သတိထားဖို့ ကျမ ထောက်ပြ လိုပါတယ်။ လူတွေအနေနဲ့ မြန်မာနိုင်ငံရဲ့ ပြုပြင်ပြောင်းလဲမှုတွေ အပေါ် သိပ်ကို အကောင်းမြင် လွန်းကြတယ်လို့ ကျမအနေနဲ့ တခါတလေ ခံစား မိပါတယ်။ ကျမတို့ အနေနဲ့ မမေ့အပ်တာ ကတော့ ဒီမိုကရေစီဖော်ဆောင်မှုဟာ နောက်ပြန် မဆုတ်နိုင်ဘူးလို့ ပြောလို့ မရနိုင်ဘူးဆိုတဲ့ အချက်ပါပဲ။ ကျမလည်း ပွင့်ပွင့်လင်းလင်း ပြောခဲ့ပြီးပါပြီ။ စစ်တပ် အနေနဲ့ ဒီမိုကရေစီဖော်ဆောင်ရာမှာ လေးလေး နက်နက်နဲ့ ထိထိရောက်ရောက် ဆောင်ရွက်သွားမယ် ဆိုတဲ့ သံဓိဌာန်ခိုင်မာစွာ မချမှတ်မချင်း ကျမတို့ အနေနဲ့ ဒီမိုကရေစီဖော်ဆောင်မှုကို နောက်ပြန်ဆုတ်လို့ မရနိုင်ဘူး ဆိုတာကို ဘယ်တော့မှ ပြောနိုင်မှာ မဟုတ်ပါဘူး။”
အနောက်နိုင်ငံတွေက မြန်မာနိုင်ငံအပေါ် ချမှတ်ခဲ့တဲ့ အရေးယူပိတ်ဆို့မှုတွေဟာ ရည်မှန်းချက်ကို ထိရောက်ခဲ့တယ်လို့ ဒေါ်အောင်ဆန်းစုကြည်က မြင်ပါတယ်။ ၂၀၁၀ ရွေးကောက်ပွဲ အပြီး ပထမဆုံး ခေါ်ယူတဲ့ လွှတ်တော် အတွင်းမှာပဲ အရေးယူ ဒဏ်ခတ်မှုတွေ ရုပ်သိမ်းရေး အဆိုကို ပထမဆုံး တင်သွင်း အတည်ပြုခဲ့တာကိုကြည့်ရင် အရေးယူမှုတွေ ထိရောက်ခဲ့တယ် ဆိုတာကို ဒေါ်အောင်ဆန်းစုကြည် က ထောက်ပြပါတယ်။
အမျိုးသားဒီမိုကရေစီအဖွဲ့ချုပ်အနေနဲ့ အခုလွှတ်တော်ထဲမှာ ဖွဲ့စည်းပုံပြင်ရေးကိစ္စကို အရေးတကြီး ကြိုးပမ်းမှာဖြစ်ပေမယ့် အလျင်စလိုတော့ ဆောင်ရွက်နိုင်မယ့် အခြေအနေ၊ အလားအလမှာ မရှိဘူး လို့လည်း ဒေါ်အောင်ဆန်းစုကြည်က ပြောပါတယ်။
“ကျမတို့အနေနဲ့ ဖွဲ့စည်းပုံပြင်ဆင်ရေးကို အဦးဆုံးလုပ်နိုင်လိမ့်မယ်လို့တော့ မထင်ပါဘူး။ ဖွဲ့စည်းပုံ ပြင်ဖို့ဆိုတာ လွှတ်တော်ရဲ့ ၇၅ ရာခိုင်နှုန်း ထောက်ခံမှ ဖြစ်မှာပါ။ ဒီအထဲ ၂၅ ရာခိုင်နှုန်းက စစ်တပ်က ခန့်ထားတဲ့ ကိုယ်စားလှယ်တွေပါ။ ဒီတော့ ဖွဲ့စည်းပုံပြင်ဖို့ဆိုတာ စစ်တပ်ရဲ့ ထောက်ခံမှု ပါမှ ရမှာပါ။ ဒါကြောင့် ဖွဲ့စည်းပုံပြင်ဖို့ဆိုတာ ဦးဆုံးတော့ မဖြစ်နိုင်ပါဘူး။ ဒါပေမယ့် ဖွဲ့စည်းပုံပြင်ဆင်ရေးဟာ ကျမတို့ အရေးတကြီး အလေးထားလုပ်ဆောင်သွားမယ့်ကိစ္စဖြစ်ပါတယ်။”
နိုင်ငံရေး အကျဉ်းသားတွေနဲ့ပတ်သက်လို့လည်း မြန်မာအစိုးရအနေနဲ့ တကယ်တန်း ဒီမိုကရေစီရေး ဖော်ဆောင်မယ် ဆိုရင် နိုင်ငံရေး အကျဉ်းသား အားလုံးကို လွှတ်ပေး ရမှာဖြစ်တယ်လို့ ဒေါ်အောင်ဆန်းစုကြည်က ပြောသွားပါတယ်။
“ပြီးခဲ့တဲ့ ဇန်န၀ါရီလတုန်းက နိုင်ငံရေးအကျဉ်းသားအတော်များများ လွတ်လာပါတယ်။ ဒီ လွှတ်လိုက်သူတွေဟာ အမျိုးသား ဒီမိုကရေစီ အဖွဲ့ချုပ်က တင်ပြထားတဲ့ စာရင်းမှာ ပါတဲ့ သူတွေလို့ ပြည်ထဲရေး ၀န်ကြီးက ပြောခဲ့ပါတယ်။ ဒီ စာရင်းအတိုင်းပြောမယ် ဆိုရင် နိုင်ငံရေး အကျဉ်းသား ၂၇၁ ဦး လွတ်ဖို့ ကျန်နေ ပါသေးတယ်။ ဒီကိစ္စနဲ့ ပတ်သက်လို့ ပြည်ထဲရေး ၀န်ကြီးနဲ့ ပြောဆိုနေတာ ရှိပါတယ်။ ဒါနဲ့ပတ်သက်လို့ လည်း ထပ်ဆွေးနွေး ချင်ပါတယ်။ သူတို့ကြေညာသလို ဒီ စာရင်းအတိုင်း လွှတ်ပေးတယ် ဆိုရင်တော့ ကျန်နေတဲ့ ၂၇၁ ဦးကို ဘာကြောင့် လွှတ်မပေးသေးတာလဲ ဆိုတာ တရားဝင် သိချင်ပါတယ်။ မြန်မာနိုင်ငံမှာ ဒီမိုကရေစီရေး ဖော်ဆောင်မှုတွေ လုပ်မယ်ဆိုရင် နိုင်ငံရေး အကျဉ်းသားတွေ လုံးလုံးမရှိသင့်ပါဘူး။”
တိုင်းရင်းသားလူနည်းစုအရေးကိစ္စနဲ့ပတ်သက်လို့တော့ တိုင်းရင်းသားလူမျိုးတွေနဲ့ နိုင်ငံရေးအရ အဖြေ ထုတ်နိုင်မှသာ တိုင်းရင်းသားဒေသ ဖွံဖြိုးရေး လုပ်ငန်းတွေကို ဆောင်ရွက်နိုင်လိမ့်မယ် လို့ ဒေါ်အောင်ဆန်းစုကြည်က ပြောသွားပါတယ်။
“အပစ်အခတ်ရပ်စဲရေး လုပ်ရုံတင် မလုံလောက်ပါဘူး။ အပစ်အခတ်ရပ်စဲရေးဆိုတာ အစ သက်သက်ပါ။ နိုင်ငံရေးအရ အဖြေရှာမှုမျိုး မရှိသေးပါဘူး။ ဒီအခြေအနေနဲ့ တိုင်းရင်းသား လူနည်းစုဒေသတွေမှာ စီးပွားရေးဖွံ့ဖြိုးမှုလုပ်ဖို့ မလုံလောက်ပါဘူး။ ဒါကြောင့် နိုင်ငံရေးအရ အဖြေထုတ်နိုင်ဖို့ လိုအပ်ပါတယ်။”
ဝါရှင်တန်မှာ အင်္ဂါနေ့လုပ်တဲ့ အဲဒီအခမ်းအနားမှာတော့ သမ္မတ ကတော်ဟောင်း လော်ရာ ဘွတ်ရ်ှ က ဒေါ်အောင်ဆန်းစုကြည်ကို တကမ္ဘာလုံးက လေးစားရတဲ့ ဒီမိုကရေစီနဲ့ လူ့အခွင့်အရေးခေါင်းဆောင် တဦးအဖြစ် မိတ်ဆက်ပေးပါတယ်။ အဲဒီနောက် ၀ါရှင်တန်ပို့စ် သတင်းစာကြီးရဲ့ ပင်တိုင်ဆောင်းပါးရှင် မိုက်ကယ် ဂီယာ ဂါစင်က ပရိသတ်ကိုယ်စားလှယ် မေးမြန်းခဲ့ ရာမှာ ဒေါ်အောင်ဆန်းစုကြည်က အခုလို ဖြေကြားသွားတာတွေ ဖြစ်ပါတယ်။
Ref: VOA News
Read More...
Collapse...
ကိုကျော်ကျော်သိန်း
အင်္ဂါ, 15 မေ 2012
မြန်မာနဲ့ မြောက်ကိုရီးယားအကြား ဆက်ဆံရေးအပေါ် တောင်ကိုရီးယားနိုင်ငံရဲ့ စိုးရိမ်ချက်ကို တောင် ကိုရီးယား သမ္မတ အီလ် မြောင်ဘာ့က်က သူ့ရဲ့ မြန်မာနိုင်ငံ ခရီးစဉ်အတွင်း မြန်မာ သမ္မတကို အတိအလင်း ထုတ်ဖော်ပြောဆို ခဲ့ပါတယ်။ ဒီ ကိစ္စအတွက် မြန်မာအစိုးရနဲ့ အပြည့်အ၀ ပူးပေါင်းဆောင်ရွက်ပါမယ် လို့လည်း အခိုင်အမာပြောခဲ့သလို မြန်မာနိုင်ငံ ဒီမိုကရေစီ ပြုပြင်ပြောင်းလဲရေး လုပ်ငန်းစဉ်ကို ဆက်ပြီး ထောက်ခံ အားပေး သွားမယ်လို့လည်း အာမခံခဲ့ပါတယ်။ သူ့ရဲ့ နှစ်ရက်ကြာ မြန်မာနိုင်ငံ ခရီးစဉ်တွေ အတွင်း တွေ့ဆုံ ဆွေးနွေးခဲ့ချိန်မှာ သမ္မတ အီလ်မြောင်ဘာ့က် က အဲဒီိလိုပြောဆိုခဲ့တာပါ။ အပြည့်အစုံ ကိုတော့ ဘန်ကောက်ကနေ ကိုကျော်ကျော်သိန်း က သတင်းပေးပို့ထားပါတယ်။
မြန်မာနိုင်ငံကို နှစ်ရက်ကြာခရီးစဉ်အဖြစ် ရောက်နေတဲ့ တောင်ကိုရီးယား သမ္မတဟာ ဒီကနေ့ မနက်ပိုင်းက အမျိုးသား ဒီမိုကရေစီ အဖွဲ့ချုပ် NLD ဥက္ကဋ္ဌ၊ ပြည်သူ့လွှတ်တော် ကိုယ်စားလှယ် ဒေါ်အောင်ဆန်းစုကြည် နဲ့ ရန်ကုန်မြို့ ဆီဒိုးနား ဟော်တယ်မှာ တွေ့ဆုံဆွေးနွေး ပြီးတဲ့နောက် လုပ်တဲ့ ပူးတွဲ သတင်းစာ ရှင်းလင်းပွဲအတွင်း တောင်ကိုရီးယားနိုင်ငံရဲ့ စိုးရိမ်ချက်တွေ နဲ့ မြန်မာ့ ဒီမိုကရေစီ ပြုပြင်ပြောင်းလဲရေး ဆိုင်ရာတွေနဲ့ ပတ်သက်ပြီး ပြောဆိုခဲ့တာပါ။
မနေ့က နေပြည်တော်မှာ သမ္မတဦးသိန်းစိန်နဲ့ တွေ့ဆုံဆွေးနွေးချိန်အတွင်း ကိစ္စရပ် မျိုးစုံကို ပြောခဲ့တဲ့ အထဲမှာ မြန်မာနိုင်ငံမှာ ဒီမိုကရေစီ ပြုပြင် ပြောင်းလဲရေး လမ်းကြောင်း ပေါ်ရောက်အောင် လုပ်ဆောင်ခဲ့တဲ့ ဦးသိန်းစိန်အစိုးရအဖွဲ့ကို ပထမဆုံး ချီးကျူး ပြောဆို ခဲ့တာနဲ့အမျှ မြန်မာနိုင်ငံနဲ့ ပတ်သက်ရင် တောင် ကိုရီးယားနိုင်ငံ ရဲ့ အဓိက စိုးရိမ်ချက် ဖြစ်တဲ့ မြောက်ကိုရီးယားနဲ့ ဆက်ဆံ ရေးကို သမ္မတ အီလ်မြောင်ဘာ့က် က အထူး အလေးပေး ပြောဆိုခဲ့တာပါ။
“ကုလသမဂ္ဂလုံခြုံရေးကောင်စီက ချမှတ် ထားတဲ့ ဆုံးဖြတ်ချက်တွေကို ချိုးဖောက်တယ်လို့ ယူဆ ရနိုင် တဲ့ မြောက်ကိုရီးယားနိုင်ငံ နဲ့ မြန်မာနိုင်ငံ အကြား ဘယ်လို ဆက်ဆံရေးမျိုးကို မဆို မြန်မာအစိုးရ အနေနဲ့ ရှောင်ရှား လိမ့်မယ်လို့ ကျနော့်အနေနဲ့ မျှော်လင့်တဲ့အကြောင်း သမ္မတဦးသိန်းစိန်ကို ကျနော် ပြောခဲ့ပါတယ်။ ဒါဟာ ကျနော်နဲ့ သမ္မတဦးသိန်းစိန်တို့ ထိပ်သီးဆွေးနွေးပွဲ အတွင်း တရားဝင် မေတ္တာ ရပ်ခံခဲ့တာ ဖြစ်ပါ တယ်။” လို့ ဒေါ်အောင်ဆန်းစုကြည်နဲ့ ဆွေးနွေး ပြီးတဲ့နောက် လုပ်တဲ့ ပူးတွဲသတင်းစာရှင်းလင်းပွဲအတွင်း သမ္မတ အီလ်က စကားပြန် ကနေ တဆင့် ပြောသွားပါတယ်။
အဲဒီကိစ္စနဲ့ပတ်သက်ပြီး မြန်မာအစိုးရနဲ့ ပိုပြီးတော့ အပြည့်အ၀ ပူးပေါင်း ဆောင်ရွက်သွားဖို့ တောင် ကိုရီးယားနိုင်ငံ က ပြင်ဆင်ထား ပါတယ်ဆိုတာကိုလည်း သူက သမ္မတ ဦးသိန်းစိန်ကို ပြောခဲ့ပါတယ်။
ကုလသမဂ္ဂလုံခြုံရေးကောင်စီရဲ့ မြောက်ကိုရီးယားနိုင်ငံဆိုင်ရာ ဆုံးဖြတ်ချက်တွေထဲမှာ လက်နက်ငယ်တွေ က လွဲပြီးတော့ ဘယ်လို စစ်လက်နက်ပစ္စည်းမျိုးကိုမှ မြောက် ကိုရီးယား နိုင်ငံဆီကနေ မရယူဖို့ နိုင်ငံတွေ ကို ပိတ်ပင် တားမြစ်ထားပါတယ်။
ဒီကနေ့ ဒေါ်အောင်ဆန်းစုကြည်နဲ့ သမ္မတအီလ်တို့ တွေ့ဆုံဆွေးနွေးကြတာမှာလည်း ကိစ္စရပ်မျိုးစုံ ပါဝင် ခဲ့ပြီး အဓိကအနေနဲ့ ပညာရေးရဲ့ အရေးကြီးပုံနဲ့ ပတ်သက်လို့ ဆွေးနွေးခဲ့ကြတယ်လို့ သမ္မတ အီလ်က ပြော ပါတယ်။
“တောင်ကိုရီးယားဟာ ဒီမိုကရေစီ နိုင်ငံတခုအဖြစ်နဲ့ရော၊ ကြွယ်ဝချမ်းသာတဲ့ နိုင်ငံတခု အဖြစ် ကိုရော ရောက်ခဲ့ရတဲ့ အကြောင်းရင်းကတော့ ကျနော်တို့ရဲ့ နောက် မျိုးဆက်သစ် ခေါင်းဆောင်တွေ အတွက် ပညာရေး အထောက်အပံ့ပေးတဲ့ နေရာမှာ ကျနော်တို့ဟာ သန္နိဋ္ဌာန်ခိုင်မာပြီး စိတ်အား ထက်သန် စွာ လုပ်ခဲ့ကြတယ်ဆိုတာကို ကျနော် ထောက်ပြ ပြောဆိုခဲ့ပါတယ်။”
လို့ မစ္စတာအီလ်က ပြောပါတယ်။
ဒါ့အပြင် နိုင်ငံဖွံ့ဖြိုးတိုးတက်ရေးအတွက်ဆိုပြီး ဒီမိုကရေစီ၊ လူ့အခွင့်အရေးနဲ့ လွတ်လပ်မှုတွေကို ဘယ်တော့မှ အနစ်နာခံ အလျှော့မပေးရဘူးဆိုတာကို ဒေါ်အောင်ဆန်းစုကြည်နဲ့ သူနဲ့ သဘောတူ ခဲ့ကြ တယ်လို့လည်း သူကပြောပါတယ်။
ဒေါ်အောင်ဆန်းစုကြည်ကလည်း မိမိတို့အနေနဲ့ တရားမျှတမှု၊ လွတ်လပ်မှုနဲ့ ကြွယ်ဝ ချမ်းသာမှုတို့ အားလုံးကို တခုမဟုတ်တခု လိုချင်တာမဟုတ်ဘဲ အားလုံးကို လိုချင်တာ ဖြစ်ပါတယ်လို့ အလေးအနက် ပြောဆိုခဲ့ပါတယ်။ ပညာရေးနဲ့ပတ်သက်ပြီး တော့လည်း ဒေါ်အောင်ဆန်းစုကြည် က -
“နိုင်ငံရဲ့အနာဂတ်ကို တည်ဆောက်ကြတာမှာ အုပ်ချုပ်သူတွေက လိုချင်တဲ့ပုံစံမျိုး မဟုတ်ဘဲ သူတို့ ဖြစ်စေချင်တဲ့ပုံစံအတိုင်း တည်ဆောက်နိုင်စေမယ့် ပညာရေးမျိုးကို မြန်မာ ကလေးငယ်တွေ ရစေ ချင်ပါတယ်။”
လို့ ဒေါ်အောင်ဆန်းစုကြည်က ပြောသွားပါတယ်။
မြန်မာလူထုအနေနဲ့ ငြိမ်းချမ်းမှု၊ ကြွယ်ဝချမ်းသာမှုတွေနဲ့အတူ ဂုဏ်သိက္ခာရှိရှိ ရပ်တည် နေထိုင်သွား ချင်တယ် ဆိုတာကို ဒေါ်အောင်ဆန်းစုကြည်က ပြောဆိုခဲ့သလို လုံခြုံတယ် ဆိုရုံနဲ့ မလုံလောက်ဘဲ အစိုးရကရော ကိုယ်ကိုယ်တိုင်ကပါ အကာအကွယ် ပေးနိုင်မယ့် လူသားဂုဏ်သိက္ခာကို မိမိတို့ လိုအပ်ပါ တယ် လို့လည်း ဒေါ်အောင်ဆန်းစုကြည်က ပြောခဲ့ပါတယ်။
မြန်မာလူထုအနေနဲ့ ဒီမိုကရေစီနည်းကျ ခေါင်းဆောင်မှုအခြေအနေကို ရောက်အောင် ခက်ခဲတဲ့ လမ်းကြောင်းကို ဆက်လျှောက်ရ ဦးမှာပါလို့ ဒေါ်အောင်ဆန်းစုကြည်က ဆိုပြီး မြန်မာနိုင်ငံ ရဲ့ လက်ရှိ အခြေအနေကိုလည်း မီးမောင်းထိုး ပြောဆိုခဲ့ပါ တယ်။
“ကျမတို့နိုင်ငံရဲ့ သမိုင်းကြောင်းမှာ အပြောင်းအလဲဖြစ်နိုင်ခြေရှိတဲ့ အဆင့်တခုမှာ ကျမတို့ ရောက်နေပါ တယ်။ ဒါပေမဲ့လည်း ဒီအပြောင်းအလဲဟာ မလဲမပြိုဘဲ ဖြစ်လိမ့် မယ် ဆိုပြီး ကျမတို့ သေချာပေါက် ယူဆနိုင်မယ်လို့ ကျမတော့ မထင်ပါဘူး။ ရည်ရွယ်ချက် ရှိနေပါတယ်၊ တကမ္ဘာလုံးက စိတ်ကောင်း စေတနာကောင်းနဲ့ အားပေးနေ ကြပါတယ်၊ ဒါပေမဲ့ အဲဒီ စိတ်စေတနာကောင်းတွေ အလဟဿဖြစ်မသွားစေရေး သေချာအောင် ကျမတို့ လုပ်ရပါမယ်၊ ပြီးတော့ ကျမတို့လူထုအကျိုး အတွက် အဲဒီ စိတ်စေတနာကောင်းတွေကို အကောင်းဆုံးအသုံးပြုနိုင်အောင် လုပ်ကြရပါမယ်။”
လို့ ဒေါ်အောင်ဆန်းစုကြည်က ပြောခဲ့ပါတယ်။
ဂုဏ်သိက္ခာရှိပြီး ကောင်းမြတ်တဲ့လမ်းကြောင်းကို လျှောက်လှမ်းတဲ့နေရာမှာ မိမိ ကိုယ်တိုင်အနေနဲ့ရော၊ ကိုရီးယားလူထုနဲ့ အစိုးရကပါ ဆက်လက်ပြီး ထောက်ခံသွား ပါမယ် လို့လည်း မစ္စတာအီလ်ကပြောပါတယ်။
မြန်မာနိုင်ငံကို နိုင်ငံတော် တရားဝင်ခရီးစဉ်အဖြစ် မနေ့ကရောက်လာတဲ့ တောင် ကိုရီးယား သမ္မတဟာ သမ္မတ ဦးသိန်းစိန်နဲ့ မနေ့ကပဲ တွေ့ဆုံဆွေးနွေးပြီး နိုင်ငံတော် တရားဝင်ခရီးစဉ် အဆုံးသတ်ခဲ့ပြီး ဒီကနေ့မှာ ဒေါ်အောင်ဆန်းစုကြည်နဲ့ တွေ့ဆုံဆွေးနွေး တာဖြစ်ပါတယ်။ တောင်ကိုရီးယားသမ္မတနဲ့အဖွဲ့ဟာ ဒီကနေ့ နေ့လယ်ပိုင်းမှာတော့ မြန်မာနိုင်ငံကနေ ပြန်လည် ထွက်ခွာသွားပြီဖြစ်ပါတယ်။
Ref: VOA News
Read More...
Collapse...
ဖနိဒါ
အင်္ဂါနေ့၊ မေလ ၁၅ ရက် ၂၀၁၂
ချင်းမိုင်(မဇ္စျိမ) ။ ။ ပြန်ကြားရေးဝန်ကြီးဌာန လက်အောက် စာပေစိစစ်ရေးနှင့် မှတ်ပုံတင်ဌာနမှ စာမူကြမ်းများကို စိစစ်သည့် စနစ် ဇွန်လ နောက်ပိုင်းတွင် ရှိတော့မည် မဟုတ်ကြောင်း ပြန်ကြားရေးနှင့် ပြည်သူ့ ဆက်ဆံရေး ဦးစီးဌာန ဒု-ညွန်ကြားရေးမှူးချုပ် ဦးတင့်ဆွေက ပြောသည်။
စာပေကင်ပေတိုင်ဟု နာမည်ကြီးသည့် စာပေစိစစ်ရေးနှင့် မှတ်ပုံတင်ဌာနမှ လုပ်ဆောင်နေသည့် စာပေ စိစစ်ရေး စနစ်ကို လုံးဝ ဖျက်သိမ်းမည်ဟု ဦးတင့်ဆွေက ပြောဆို လိုက်ခြင်း ဖြစ်သည်။
“ဇွန်လအတွင်းမှာ Press council တခုကို အထက်ကနေ ဖွဲ့စည်းပေးဖို့ ရှိတယ်။ အဲဒီ Press council ပေါ်လာတာနဲ့ တပြိုင်နက် စိစစ်ခြင်း လုံးဝ မရှိတော့ဘူး။ စိစစ်တဲ့ ဘာသာတွေ မရှိတော့ဘူး၊ စာမူတွေ တင်ပြီး စိစစ်နေရတဲ့ အပိုင်း အဲဒီစနစ်က လုံးဝ ဖျက်သိမ်း ပစ်မယ်ဆိုတာကို ပြောတာ”ဟု ဦးတင့်ဆွေက မဇ္စျိမကို ပြောသည်။
မီဒီယာ ဥပဒေမူကြမ်းအား ရှေ့နေချုပ်ရုံးသို့ ဧပြီလအတွင်းက ဒုတိယအကြိမ် ပို့ထားကြောင်း၊ ထိုရှေ့နေချုပ်ရုံး၏ ညွန်ကြားချက်၊ အကြံပြုချက်များကို ရယူရန် မကြာမီ ရက်ပိုင်း အတွင်းမှာ သွားရောက် ခံယူပြီး ပြင်ဆင်မည်ဟု သူက ဆက်ပြောသည်။
“ဇွန်လအတွင်းမှာ မူကြမ်းကို ပြန်ပြုပြင်ပြီးတော့ အစိုးရအဖွဲ့ကို တင်မယ်။ အစိုးရအဖွဲ့ကနေ အတည်ပြုတယ်ဆိုရင် ဇွန်၊ ဇူလိုင်အတွင်းမှာ လုပ်မယ့် လွှတ်တော်ကို တင်ပြမှာ ဖြစ်ပါတယ်။ လွှတ်တော်က အတည်ပြုတယ် ဆိုရင် နည်းဥပဒေပါ သြဂုတ်လမှာ ဆက်ပြီး ထွက်နိုင်အောင် လုပ်ပြီးတော့ စာပေလောက အသစ်က စိစစ်ခြင်း လုံးဝ မရှိတော့ဘဲနဲ့ သွားတော့မှာ”ဟု သူက ဆက်ပြောသည်။
သို့သော် စာပေစိစစ်ရေးနှင့် မှတ်ပုံတင်ဌာနက ဆက်လက် ရှိနေပြီး မှတ်ပုံတင်သည့် ကိစ္စများ၊ တနိုင်ငံလုံးမှ ထွက်သည့် စာအုပ်များကို မှတ်ပုံတင်ခြင်း၊ သက်ဆိုင်ရာ အမျိုးသားမော်ကွန်းတိုက် (National achieve)၊ အမျိုးသား စာကြည့်တိုက် (National library) များသို့ ပို့ပေးခြင်းများ ဆက်လက် လုပ်ဆောင်မည် ဖြစ်ကြောင်း ပြောဆိုသွားသည်။
စာပေနှင့် ပုံနှိပ်ထုတ်ဝေ ဖြန့်ချိရေးအသင်း၊ မြန်မာဂျာနယ်လစ်ကွန်ယက် MJN၊ မြန်မာနိုင်ငံ သတင်းစာဆရာများ အသင်း ဖြစ်မြောက်ရေး ကော်မတီ MJAနှင့် မြန်မာနိုင်ငံ သတင်းစာဆရာများ သမဂ္ဂ MJU တို့မှ ကိုယ်စားလှယ် ၆ ဦးကျ ပါဝင်သည့် စာနယ်ဇင်းကောင်စီ Press council အား လာမည့် ဇွန်လမှာ ဖွဲ့ပြီး သမ္မတ က အတည်ပြုပေးမည် ဖြစ်ကြောင်း ဦးတင့်ဆွေက ဆက်ပြောသည်။
စာပေစိစစ်ရေးစနစ် ဖျက်သိမ်းလိုက်သော်လည်း ထိုကောင်စီ ဖွဲ့စည်းရေး ဥပဒေများသည် သတင်းသမားများအတွက် အကာအကွယ် ပေးနိုင်ခြင်း မရှိမှာကို စိုးရိမ်ကြောင်း မြန်မာနိုင်ငံ သတင်းစာဆရာများ အသင်းဖြစ်မြောက်ရေး ကော်မတီ MJA အထွေထွေ အတွင်းရေးမှူး ဦးကိုကို(စက်မှု)က ပြောသည်။
“စာနယ်ဇင်းကောင်စီ ဥပဒေတွေ ပေါ်လာမယ်။ စာနယ်ဇင်းသမားတွေကို ဘယ်လို ကာကွယ်ပေးနိုင်မယ့် ဥပဒေတွေ လုပ်ပေးမယ် ဆိုရင် ပြဿနာ မရှိဘူး။ အခုက ဒီကြားဖြတ် ကောင်စီက စာပေစိစစ်ရေး အလုပ်တွေ လုပ်နေရမှာကို စိတ်ပူတာ။ ကိုယ့်စာနယ်ဇင်း သမားတွေကိုပဲ ချုပ်ချယ်တာမျိုး လုပ်ပေးရမယ့် အဖွဲ့အစည်းမျိုး ဆိုရင်တော့ မလုပ်ချင် ဘူး”ဟု သူက မဇ္စျိမကို ပြောသည်။
ဗုဒ္ဓဟူးနေ့တွင် မြန်မာနိုင်ငံ သတင်းစာဆရာများအသင်း အစည်းအဝေးပြုလုပ်၍ စာနယ်ဇင်းကောင်စီတွင် ပါဝင်ရေး၊ မပါဝင်ရေးနှင့် ပတ်သက်၍ ဆွေးနွေးမည် ဖြစ်ကြောင်း သိရသည်။
အင်္ဂါနေ့က ပြုလုပ်သည် သတင်းစာရှင်းလင်းပွဲတွင် စတုတ္ထအဆင့်အဖြစ် ဝတ္ထုစာမူကြမ်းများကို စာပေ စိစစ်ရေးနှင့် မှတ်ပုံတင် ဌာနသို့ မနက်ဖြန်မှ စတင်၍ တင်ပြရန် မလိုတော့ဘဲ ထုတ်တင် စနစ် အဖြစ် တိုက်ရိုက် ထုတ်ဝေခွင့် ပြုလိုက် သည်ဟု ရှင်းလင်းခဲ့သည်ဟု ဦးတင့်ဆွေက ပြောသည်။
Ref: မဇ္ဈိမ
Read More...
Collapse...
မျိုးသန့်
အင်္ဂါနေ့၊ မေလ ၁၅ ရက် ၂၀၁၂
ချင်းမိုင် (မဇ္ဈိမ) ။ ။ နိုင်ငံတော် စီမံကိန်းများ အကြောင်းပြ၍ ပုဂ္ဂလိက ကုမ္ပဏီအချို့က လယ်မြေများ သိမ်းယူနေမှု များကို မှတ်တမ်း ရုပ်ရှင် အဖြစ် ဖန်တီး ရိုက်ကူးကာ မြန်မာနိုင်ငံ အတွင်း ပြသနိုင်ရန် စီစဉ်နေသည်ဟု ရုပ်ရှင်ဒါရိုက်တာ ဝိုင်းက မဇ္ဈိမကို ပြောသည်။
“လယ်သမားတွေကလည်း ပေါ်တင် ပြောပါတယ်။ တိုင်းပြည်အတွက်ဆို လုပ်ပါ။ သူတို့ ရတယ် ငတ်ပါစေ။ တိုင်းပြည် ကောင်းဖို့ အတွက်ဆို သူတို့ ခံလိုက်မယ်ပေါ့။ အဲဒီလို မဟုတ်ဘဲနဲ့ ပုဂ္ဂလိက နာမည်တွေနဲ့ သိမ်းထား တာတွေပေါ့။ အဲဒီလိုဆိုတော့ နိုင်ငံ အတွက်လည်း မဟုတ်ဘူး ဒီ Crony တွေ ကောင်းစားဖို့အတွက် သိမ်းတာကို ကျနော် မခံချင် ဖြစ်တာဗျ။ အဲဒီလိုဟာတွေက မြန်မာပြည် အနှံ့မှာ ဖြစ်နေတဲ့ အခါကျတော့ ဒါကို ကျနော် ရိုက်ပြ သင့်တယ်လို့ထင်လို့ ကျနော်ရိုက်တာပါ” ဟု လယ်သမားများထံ ကွင်းဆင်း လေ့လာနေသည့် ဒါရိုက်တာ ဝိုင်း က ပြောသည်။
ဒါရိုက်တာဝိုင်းသည် မေလအတွင်း ပြင်ဦးလွင်မြို့နယ်သို့ သွားရောက်ကာ လယ်သမားများနှင့် တွေ့ဆုံမေးမြန်း ခဲ့ပြီး အဆိုပါဒေသတွင် လယ်သမား အယောက် ၄ဝ ၏ မြေဧက ၁,၇၀၀ ကို ကုမ္ပဏီတခုမှ သိမ်းယူ ထားသည်ဟုလည်း ဆိုသည်။
အဆိုပါ မှတ်တမ်းရုပ်ရှင်နှင့် ပတ်သက်၍ မြေယာဥပေဒများ၏ အကျိုးသက်ရောက်မှုကို လေ့လာနေပြီး၊ ဥပဒေ ပညာရှင် များနှင့်လည်း တိုင်ပင်ညှိနှိုင်းကာ လုပ်ဆောင် သွားမည်ဟုလည်း ဝိုင်းကပြောသည်။
မှတ်တမ်းရုပ်ရှင်အတွင်း လယ်မြေသိမ်းယူမှုကြောင့် လယ်သာ လုပ်ကိုင်စားသောက်တတ်သည့် လယ်သမားများ၏ စားဝတ်နေရေး၊ သားသမီးများ၏ ပညာရေး၊ လယ် သိမ်းယူမှုကြောင့် ပြည်ပနိုင်ငံထွက်ကာ အလုပ် လုပ်နေကြရသည့် လယ်သမားများ၏ ဘဝများကိုလည်း ထည့်သွင်း ရိုက်ကူးသွားမည် ဖြစ်သည်။
“လယ်သမားတိုင်း ကြုံတွေ့နေရတဲ့ အဓိက ပြဿနာ တခုက ဘာလဲဆိုတာ ကျနော် ပိုပြီးတော့ မီးမောင်း ထိုးပြချင် တာပါ။ ဒါတွေဟာ မလုပ်သင့်ပါဘူး ဆိုတာလည်း မီးမောင်း ထိုးပြချင်ပါတယ်။ သူတို့မှာ စားဝတ်နေရေးတွေ ကျန်းမာရေးတွေ ဆုံးရှုံးမှုတွေ ဖြစ်နေတယ် ဆိုတဲ့ အချက်က အဓိက အရေးပါပါတယ်” ဟုလည်း ဝိုင်းက ပြောသည်။
အဆိုပါ မှတ်တမ်းရုပ်ရှင်အတွက် လယ်မြေသိမ်းယူမှု ဖြစ်စဉ်များ ဖြစ်ပေါ်နေသည့် ရန်ကုန်တိုင်း၊ မန္တလေးတိုင်း၊ တနင်္သာရီတိုင်း၊ ရှမ်းပြည်နယ် တို့သို့ ကွင်းဆင်းကာ ရိုက်ကူးမည်ဖြစ်ပြီး ရိုက်ကူးပြီးစီး ချိန်တွင် တနိုင်ငံလုံးသို့ ဖြန့်ချိ ပြသ သွားမည်ဟု ဆိုသည်။
ထို မှတ်တမ်းတင် ရုပ်ရှင်ကား ရိုက်ကူးလိုမှုနှင့် ပတ်သက်၍လည်း အာဏာပိုင်များဘက်မှ တုန့်ပြန်နိုင်မှုနှင့် ပတ်သက်၍ “ဒီကားကတော့ သူတို့ရဲ့ သဘောထား ကြီးမှုနဲ့ ဒီမိုကရေစီ လမ်းပေါ် လျှောက် မလျှောက်ဆိုတာ ဒီကားက အဖြေပါပဲ” ဟု ဝိုင်းက ပြောသည်။
ကုမ္ပဏီများ မြေယာသိမ်းယူမှုနှင့် ပတ်သက်၍ ဇေကမ္ဘာကုမ္ပဏီနှင့် ရန်ကုန်တိုင်း မင်္ဂလာဒုံမြို့နယ်၊ ပုလဲမြို့သစ် ရွှေနံ့သာနှင့် ပေါင်းကူရွာ တို့မှ လယ်သမားတို့ အချင်းများလျက် ရှိနေပြီး ဇေကမ္ဘာ ကုမ္ပဏီသည် အဆိုပါဒေသရှိ
လယ်ဧက ၈၀၀ ကျော်ကို စက်မှုဇုန် စီမံကိန်းအတွက် ၂၀၁၀ ခုနှစ်အတွင်း သိမ်းယူခဲ့ခြင်း ဖြစ်သည်။
လယ်မြေများပေါ်တွင် စီမံကိန်း ဆိုင်းငံ့ရန်နှင့် ယခုနှစ်အတွက် ထွန်ယက် စိုက်ပျိုးခြင်း မပြုလုပ်ရန် မင်္ဂလာဒုံမြို့နယ် အုပ်ချုပ်ရေးမှူး ရုံးမှ ယခုလ ၉ ရက်နေ့တွင် တားမြစ်ချက် ထုတ်ပြန် ထားသည်။
လယ်သမားများ၏ နစ်နာမှုများကို တင်ပြတောင်းဆိုနိုင်ရန်နှင့် ပုဂ္ဂလိကပိုင် ကုမ္ပဏီများမှ လယ်မြေသိမ်းယူမှု များကို ကာကွယ်နိုင်ရန် ဖြေရှင်းရန် “စုပေါင်းညီညာ စက်မှုလယ်ယာ ကုမ္ပဏီ” ကို ယခုလ ၁၇ ရက်နေ့တွင် မှတ်ပုံတင်မည် ဟုလည်း ရွှေနံ့သာ လယ်သမားများ အရေး လိုက်ပါဆောင်ရွက်ပေးနေသူ မတူကွဲပြားခြင်းနှင့် ငြိမ်းချမ်းရေး ပါတီ ဥက္ကဋ္ဌ ဦးနေမျိုးဝေက မဇ္ဈိမကို ပြောသည်။
“ကျနော်တို့က စက်မှုလယ်ယာ ကုမ္ပဏီတခု တည်ထောင်မယ်၊ ကုမ္ပဏီတွေရဲ့ နှောက်ယှက်တာတွေ လူလည် ကျတာတွေ ခံရတာကြောင့် စနစ်တကျ စုစည်းပြီး ထူထောင်မယ်။ လယ်ယာ ထွက်ကုန်တွေကို ကုမ္ပဏီကနေ ကျနော်တို့ ရောင်းမယ်” ဟု ဦးနေမျိုးဝေက ပြောသည်။
Ref: မဇ္ဈိမ
Read More...
Collapse...
2012-05-15
ရွှေတြိဂံနယ်မြေက မူးယစ်ဆေးဝါးနဲ့ ပတ်သက်ပြီး နာမည်ကြီးတဲ့ စိုင်းနော်ခမ်းရဲ့ အဖွဲ့ဝင် ၂၅ ဦးဟာ တာချီလိတ် မြို့နယ်က တပ်စခန်း တစ်ခုမှာ မနေ့ ညနေပိုင်းက လက်နက်နဲ့ ငြိမ်းချမ်းရေး လဲလှယ် ၀င်ရောက်ခဲ့ပြီး ဒီကနေ့ မနက်ပိုင်းမှာတော့ အခမ်းအနားနဲ့ ကြိုဆိုခဲ့ကြတယ်လို့ သတင်း ရရှိပါတယ်။
မြန်မာအပါအ၀င် ဒေသတွင်းနိုင်ငံတွေက အလိုရှိနေတဲ့ မူးယစ်ဂိုဏ်းခေါင်းဆောင် စိုင်းနော်ခမ်းကို ပြီးခဲ့တဲ့ ဧပြီလကုန်ပိုင်းက လာအို အာဏာပိုင်တွေက ရွှေတြိဂံဒေသမှာ ဖမ်းဆီး ရမိ လိုက်ပြီးနောက် သူရဲ့ အဖွဲ့သားတွေဖြစ်ကြတဲ့ ဦးယောဟန် ဦးဆောင်တဲ့ အဖွဲ့ဝင် ၆ ဦး၊ ဦးယားအီ ဦးဆောင်တဲ့ အဖွဲ့ဝင် ၁၅ ဦးနဲ့ ဦးအားထူ ဦးဆောင်တဲ့ အဖွဲ့ဝင် ၄ ဦး တို့ဟာ တာချီလိတ်မြို့ အခြေစိုက် ခမရ ၃၅၉ တပ်ရင်းကို လက်နက်ချ အလင်း ၀င်ခဲ့ကြတာ ဖြစ်တယ်လို့ အာဏာပိုင်တွေနဲ့ နီးစပ်သူထံမှ သိရပါတယ်။
သူတို့ ၃ ဖွဲ့ဟာ M16 , M22 အမျိုးအစား မောင်းပြန်ရိုင်ဖယ်တွေ၊ AK 47 မောင်းပြန်ရိုင်ဖယ်တွေ၊ လောင်ချာသေနတ်တွေ၊ ပစ္စတိုတွေနဲ့  မိုင်းဗုံးတွေ ယူဆောင် လာကြပြီး နာရီပိုင်း အတွင်း တစ်ဖွဲ့စီ ၀င်ရောက် လာကြတာ ဖြစ်တယ်လို့ သိရပါတယ်။
ဒီကနေ့ မနက်ပိုင်းမှာတော့ ခမရ ၃၅၉ တပ်ရင်း ရိပ်သာခန်းမမှာ ရှမ်းပြည်အရှေ့ပိုင်း တာချီလိတ် စစ်ဗျူဟာမှူး ဗိုလ်မှူးကြီးခင်မောင်စိုး၊ ခရိုင် အုပ်ချုပ်ရေးမှူး ဦးသက်လွင်နဲ့ မြို့နယ် အုပ်ချုပ်ရေးမှူး ဦးရဲထူးတို့ ဦးဆောင်ပြီး ကြိုဆိုပွဲနဲ့ ထောက်ပံ့ရေး ပစ္စည်း ပေးအပ်ပွဲ အခမ်းအနား လုပ်ခဲ့တယ်လို့ အာဏာပိုင်နဲ့ နီးစပ်သူတစ်ဦး ထံမှ သိရှိရပါတယ်။
မူးယစ်မှောင်ခို ဂိုဏ်းခေါင်းဆောင် စိုင်းနော်ခမ်းအဖွဲ့ဟာ ထိုင်း မြန်မာနဲ့ လာအိုနိုင်ငံတွေရဲ့ နယ်နမိတ်ချင်း ထိစပ်ရာ ရွှေတြိဂံဒေသက ရှမ်းပြည် အရှေ့ပိုင်း တာချီလိတ် နယ်အတွင်းမှာ အခြေပြု လှုပ်ရှားနေတဲ့ အဖွဲ့ တစ်ဖွဲ့ဖြစ်ပြီး မူးယစ်ဆေး မှောင်ခို ကုန်ကူးတာနဲ့ မဲခေါင်မြစ် အတွင်း ဖြတ်သန်း သွားလာတဲ့ သဘောင်္၊ စက်လှေတွေကို ဆက်ကြေးကောက်တာ၊ ပစ်ခတ် တိုက်ခိုက်တာတွေနဲ့ နာမည်ကြီးတဲ့ အဖွဲ့ တစ်ဖွဲ့ဖြစ်ပါတယ်။
Ref: RFA News
Read More...
Collapse...
2012-05-15
ရန်ကုန်တိုင်း လှိုင်သာယာစက်မှုဇုန်က စပယ်ပွင့်နဲ့ ပုလဲ ဆိုတဲ့ အထည်ချုပ်စက်ရုံ ၂ ရုံက အလုပ်သမားတွေဟာ အခြေခံ လုပ်ခလစာ တိုးပေးဖို့နဲ့ အခြား အလုပ်သမား အခွင့်အရေး ရဖို့ ဒီနေ့ ဆန္ဒပြနေကြပါတယ်။
စပယ်ပွင့်စက်ရုံ အလုပ်သမားတွေကို လက်ရှိ နေ့စားလုပ်ခပဲ ပေးနေလို့ တစ်လကို သုံးသောင်းနှုန်းနဲ့ လစားအဖြစ် သတ်မှတ်ပေးဖို့ တောင်းဆိုနေကြပေမယ့် မပြေလည်သေးဘူးလို့ အလုပ်သမား တစ်ဦး ဖြစ်တဲ့ မခိုင်မြသွယ်က RFA ကိုအခုလို ပြောပါတယ်။
" ဒေးကြေးက သမီးတို့အတွက် ၅၈၀ ပဲပေးထားတယ်။ အိုတီကြေးက ၁၄၀ ပေးတယ်။ အခု ဧပြီလထုတ်တာလေ သုံးသောင်းကျော်ပဲ ရတယ်။ သုံးသောင်းကျော်ပဲ ရတော့ အဆောင်နေတဲ့ သူတွေ ဆိုရင် ပိုပြီးတော့ မခံနိုင်ဘူး။ အခုက အထူးထောက်ပံ့ကြေး သုံးသောင်းလည်း လိုချင်တယ်။ ဘောနပ် သဘောပေါ့နော်။ အဲတာ ငါးထောင်တောင်းတယ်။ နှစ်ထောင်ပဲပေးတယ်။ အဲဒီ သုံးသောင်းကလည်း တစ်သောင်းပဲပေးမယ်တဲ့။ အလုပ်သမား ညှိနှိုင်းရေးမှူး ဦးဝင်းတင်ကလေ သူလုပ်ပေးတာကို လက်သင့်မခံဘူး ဆိုလို့ ရှိရင်တဲ့ မလုပ်ပေးတော့ဘူးတဲ့"
ပုလဲ အထည်ချုပ်စက်ရုံမှာလည်း ရက်မှန်ကြေး ကျပ် သုံးသောင်း တောင်းတာကို အလုပ်ရှင်ဘက်က သဘော မတူနိုင်သေးတဲ့ အတွက် ညှိနှိုင်းနေဆဲ ဖြစ်တယ်လို့ သိရပါတယ်။
ဒါ့အပြင် ပြီးခဲ့တဲ့အပတ်က ဆန္ဒပြခဲ့တဲ့ Hi Mo ဆံပင်တုစက်ရုံမှာလည်း ဆန္ဒပြစဉ်က သက်ဆိုင်ရာ အာဏာပိုင်၊ စက်ရုံပိုင်ရှင်နဲ့ အလုပ်သမားတွေ သဘော တူလိုက်တဲ့ အချက်တွေကို တရားဝင် မလိုက်လျောသေးတဲ့ အတွက် ဒီနေ့ ထပ်မံ ဆန္ဒပြခဲ့ကြပါတယ်။
အလုပ်သမားတွေကို စက်ရုံဝင်းထဲကနေ အပြင်ပေးမထွက်တဲ့အတွက် စက်ရုံဝင်းထဲမှာပဲ အလုပ်မလုပ်ပဲ ဆန္ဒပြနေကြ တာပါ။ ဒီကိစ္စနဲ့ ပတ်သက်လို့ Hi Mo စက်ရုံ အလုပ်သမား တစ်ဦးဖြစ်တဲ့ မယမင်းလွင် က RFA ကိုအခုလို ပြောပါတယ်။
" ၁၀ ရက်နေ့တုန်းက ချုပ်ထားတဲ့ စာချုပ်ကို လူကြီးတွေက တရားဝင်သတ်မှတ် မပေးဘူး ဖြစ်နေတယ်။ လစာတိုးတယ် ဆိုတဲ့ အကြောင်း၊ အိုတီကြေး အခု တစ်လကြေးကို ဘယ်လောက်ရတယ် ဆိုတဲ့ အကြောင်း တရားဝင် ခလေးတွေ သိအောင် ကြေညာပေးပါလို့ ပြောထားတယ်။ ဒါပေမဲ့ သူတို့တွေက ဘယ်လိုမှ တုံ့ပြန်မှု မရှိဘူး။ ဒီနေ့မနက် ၈ နာရီက စတင်လိုက်တယ်။ ၁ နာရီခွဲအထိ အချိန်ပေးမယ်တဲ့။ နောက်ပိုင်းကို ကျွန်မတို့ တာဝန် မယူနိုင်ဘူး။ ခလေးတွေ အရမ်း ဆူနေပြီလို့ ပြောတဲ့အခါမှာ သူတို့တွေက လုံးဝ ဘယ်လို အကြောင်းပြချက်မျိုးမှ မပေးဘူး"
တောင်းဆိုချက် မရမချင်း အလုပ်သမားတွေက ဆက်လက်ဆန္ဒပြ တောင်းဆိုကြမယ်လို့ သိရပါတယ်။
Ref: RFA News
Read More...
Collapse...
2012-05-15
အမျိုးသားဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်ဟာ မြန်မာနိုင်ငံကို ရောက်ရှိနေတဲ့ တောင်ကိုရီးယား သမ္မတ လီမြောင်ဘတ်နဲ့ ဒီကနေ့ မနက် ပိုင်းက ရန်ကုန်မြို့ ဆီဒိုးနား ဟိုတယ်မှာ တွေ့ဆုံဆွေးနွေး ခဲ့ပါတယ်။
အဲဒီနောက် ပြုလုပ်တဲ့ သတင်းစာရှင်းလင်းပွဲမှာ ဒေါ်အောင်ဆန်းစုကြည်က တောင်ကိုရီးယား အစိုးရ အနေနဲ့ ပြည်သူတွေရဲ့ လွတ်လပ်မှုနဲ့ တရား မျှတမှုတွေ အတွက် ဆောင်ရွက်ချက်တွေကို ချီးကျူးပြောကြား ခဲ့သလို မြန်မာနိုင်ငံ အနေနဲ့လည်း ဖွံ့ဖြိုး တိုးတက်မှုတွေကို လိုချင်သလို ငြိမ်းချမ်းမှု၊ လွတ်လပ်မှုနဲ့ တရားမျှတမှုတို့ လိုအပ်ကြောင်း ပြောကြားခဲ့ပါတယ်။
ဒါ့အပြင် ပြည်သူတွေရဲ့ လုပ်ပိုင်ခွင့်ရရှိမှုဟာ စစ်မှန်တဲ့ဒီမိုကရေစီအတွက် အရေးကြီးကြောင်း၊ ပြည်သူတွေ အနေနဲ့လည်း မိမိတို့ အနာဂတ်ဟာ မိမိတို့ရဲ့ လက်ထဲမှာသာ ရှိတယ် ဆိုတာကို နားလည်ဖို့ အရေးကြီးကြောင်း ဒေါ်အောင်ဆန်းစုကြည်က ပြောကြားခဲ့ပါတယ်။
တောင်ကိုရီးယား သမ္မတကလည်း မြန်မာနိုင်ငံ ဒီမိုကရေစီရေးအတွက် ဒေါ်အောင်ဆန်းစုကြည်ရဲ့ ကြိုးပမ်းဆောင်ရွက်ချက်တွေ အပေါ် ချီးကျူး ဂုဏ်ပြုကြောင်း၊ မြန်မာနိုင်ငံမှာ တိုးတက်ပြောင်းလဲမှုတွေ အတွက် မြန်မာ အစိုးရနဲ့ ပူးပေါင်းဆောင်ရွက်မှုတွေ အပေါ် အားရကျေနပ်မှု ဖြစ်မိကြောင်း ပြောကြား ပါတယ်။
မြောက်ကိုရီးယားနိုင်ငံနဲ့ ဆက်ဆံမှုတွေဟာ ကုလသမဂ္ဂလုံခြုံရေး ကောင်စီရဲ့ ဆုံးဖြတ်ချက်တွေကို ချိုးဖောက်တာ ဖြစ်တယ်ဆိုတာ မြန်မာ အစိုးရ အနေနဲ့ နားလည်မယ်လို့ မျှော်လင့်ကြောင်းနဲ့ တောင်ကိုးရီးယား အနေနဲ့ မြန်မာအစိုးရနဲ့ ပူးပေါင်းဆောင်ရွက်သွားဖို့ ပြင်ဆင်နေပြီး မြန်မာနိုင်ငံရဲ့ ဒီမိုကရေစီ ပြုပြင်ပြောင်းလဲမှုတွေ အတွက် နှစ်ဆတိုး ထောက်ခံသွားမှာ ဖြစ်တယ်လို့ သမ္မတ ဦးသိန်းစိန်နဲ့ တွေ့ဆုံစဉ်မှာ ပြောဆိုခဲ့ကြောင်း တောင်ကိုရီးယားသမ္မတ လီမြောင်ဘတ်က ပြောပါတယ်။
ဒါ့အပြင် နိုင်ငံတစ်နိုင်ငံ တိုးတက်ဖွံ့ဖြိုးရေးအတွက် ပညာရေးကဏ္ဍက အရေးကြီးကြောင်း၊ ဒါကြောင့် တောင်ကိုရီးယား အစိုးရ အနေနဲ့ မြန်မာ့ ပညာရေး တိုးတက်မှုတွေ အတွက် အထောက်အကူပြုသွားမှာ ဖြစ်ကြောင်းလည်း ပြောသွားပါတယ်။
Ref: RFA News
Read More...
Collapse...
2012-05-15
မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်က အမေရိကန်အစိုးရအနေနဲ့ မြန်မာအစိုးရ အပေါ် ပိတ်ဆို့မှုတွေ ဆိုင်းငံ့ ရပ်တန့်ထားမှာကို သူကန့်ကွက်မှာ မဟုတ်ကြောင်း၊ ဒါပေမယ့် ပ်ိတ်ဆို့ အရေးယူမှုတွေဟာ မြန်မာ အစိုးရကို ပြုပြင်ပြောင်းလဲမှုတွေ လုပ်ဆောင်ဖို့အတွက် စည်းရုံးပြောဆိုရမှာ အရေးပါ ထိရောက်ကြောင်း ပြောဆိုလိုက်ပါတယ်။
ဝါရှင်တန်မြို့တော်မှာ အမေရိကန် သမ္မတဟောင်း George W. Bush ဦးဆောင်ပြီး မနေ့က ကျင်းပတဲ့ "လူသားတွေရဲ့ လွတ်လပ်ခြင်း" အမည်ရှိ ညီလာခံကို အမျိုးသား ဒီမိုကရေစီ အဖွဲ့ချုပ် NLD အဖွဲ့ ဥက္ကဋ္ဌ ဒေါ်အောင်ဆန်းစုကြည်က အင်တာနက် ဗီဒီယိုကနေ တဆင့် မြန်မာ့နိုင်ငံရေး အခြေအနေတွေ ပြောကြားခဲ့ပါတယ်။
သမ္မတဟောင်း George W. Bush ဟာ Bush Institute အမည်နဲ့ ကမ္ဘာ့အနှံ့အပြားက လွတ်လပ်မှုအတွက် တိုက်ပွဲ ၀င်နေသူတွေကို အကူအညီပေးနေသူ ဖြစ်ပါတယ်။ မနေ့က ကျင်းပတဲ့ ညီလာခံမှာ သမ္မတ ကတော် Laura Bush က ဒေါ်အောင်ဆန်းစုကြည်ကို ပရိသတ်နဲ့ စတင် မိတ်ဆက်ပေးခဲ့ပြီး ဒေါ်အောင်ဆန်းစုကြည်က မေးခွန်းတွေကို ဖြေကြား ခဲ့ပါတယ်။
မြန်မာနိုင်ငံရဲ့ ပြုပြင်ပြောင်းလဲမှုတွေနဲ့ ပတ်သက်တဲ့ မေးခွန်းတခုကို -
"မြန်မာနိုင်ငံက အပြောင်းအလဲတွေအပေါ် လေ့လာသူတွေက အကောင်းမြင်တာ များလွန်းပါတယ်။ လက်ရှိ အပြောင်းအလဲတွေဟာ အချိန်မရွေး နောက်ကြောင်း ပြန်လှည့် သွားနိုင်ပါတယ်။ စစ်တပ်က ဒီမိုကရေစီ အရေးနဲ့ ပြောင်းလဲမှုတွေကို ထောက်ခံမှသာ အဆင်ချောမွေ့နိုင်မှာပါ "လို့ ဒေါ်အောင်ဆန်းစုကြည်က ဖြေကြားခဲ့ပါတယ်။
ဒါ့အပြင် မြန်မာပြည် ဒီမိုကရေစီပြောင်းလဲမှုတွေကို မိမိတို့တိုင်းပြည်အနေနဲ့ တကယ် လိုလားတယ် ဆိုရင် နိုင်ငံရေး အကျဉ်းသား တဦးမှ မရှိသင့် ပါဘူးလို့လည်း သူကပြောဆို ခဲ့ပါတယ်။
အဲဒီ ညီလာခံကို အမေရိကန် သမ္မတဟောင်း George W. Bush၊ သမ္မတကတော် Laura Bush တို့အပြင် သမ္မတဘုရ်ှ လက်ထက်က အစိုးရအဖွဲ့ဝင် ၀န်ကြီးဟောင်းတွေနဲ့ လက်ရှိ အမေရိကန် နိုင်ငံရေးသမား အတော်များများ တက်ရောက်ခဲ့ပါတယ်။
Ref: RFA News
Read More...
Collapse...
ကိုသားညွန့်ဦး
တနင်္လာ, 14 မေ 2012
မြန်မာနိုင်ငံအပေါ် အမေရိကန်ပြည်ထောင်စုရဲ့ အရေးယူဒဏ်ခတ်မှုတွေကို ဆိုင်းငံ့ဖို့ အချိန်ရောက်ပြီလို့ အမေရိကန်နိုင်ငံရေးမှာ သြဇာကြီးမားတဲ့ ရီပတ် ပလင်ကန် အထက် လွှတ်တော် အမတ် ဂျွန်မက်ကိန်း က ပြောလိုက်ပါတယ်။ ဒါပေမယ့် ရင်းနှီးမြုပ်နှံမှုတွေ လုပ်တဲ့နေရာမှာ အမေရိကန်ကုမ္ပဏီတွေအနေနဲ့ လူမှုကျင့်ဝတ် သိက္ခာတွေ စောင့်စည်းပြီး တာဝန်ယူမှုရှိတဲ့ စီးပွားရေးလုပ်ငန်းတွေ အဖြစ် စံပြဖြစ်ဖို့ လိုမယ် လို့ အထက်လွှတ်တော်အမတ် ဂျွန် မက်ကိန်းက ပြောသွားပါတယ်။ ဒီအကြောင်းကိုတော့ ကိုသားညွန့်ဦးက တင်ပြပေးထားပါတယ်။
မြန်မာနိုင်ငံအတွင်း မကြာခင်က သိသာထင်ရှားတဲ့ တိုးတက်ပြောင်းလဲမှုတွေ ဖြစ်ခဲ့တာ၊ အထူးသဖြင့် ပြီးခဲ့တဲ့ရွေးကောက်ပွဲအတွင်း ဒီမိုကရေစီ ခေါင်းဆောင် ဒေါ်အောင်ဆန်းစုကြည်နဲ့ အမျိုးသား ဒီမိုကရေစီ အဖွဲ့ချုပ်တို့ အနိုင်ရပြီး လွှတ်တော်ထဲ ၀င်ရောက်နိုင်တဲ့ အခြေအနေတွေကြောင့် မြန်မာနိုင်ငံအပေါ် အရေးယူ ပိတ်ဆို့မှုတွေကို ဆိုင်းငံ့ထားရတော့မယ့် အချိန်ရောက်နေပြီလို့ အထက် လွှတ်တော်အမတ် ဂျွန်မက်ကိန်းက ပြောသွားပါတယ်။ ဒါပေမယ့်လည်း လက်နက် တင်ပို့ရောင်းချမှုကို ပိတ်ပင်တာနဲ့ မြန်မာ့ ဒီမိုကရေစီရေးကို အနှောင့်အတား ဖြစ်စေတဲ့ပုဂ္ဂိုလ်တွေ၊ အဖွဲ့အစည်းတွေကို ပစ်မှတ်ထား အရေးယူတာ မျိုးတော့ ခြွင်းချက်ဆက် ထားသင့်တယ်လို့ အထက် လွှတ်တော်အမတ် ဂျွန်မက်ကိန်းက ၀ါရှင်တန်ဒီစီက CSIS မဟာဗျူဟာနဲ့ နိုင်ငံတကာလေ့လာရေးဌာနမှာ မနေ့က ပြောဆိုသွားပါတယ်။
“မြန်မာနိုင်ငံအပေါ် အမေရိကန်ပြည်ထောင်စုရဲ့အရေးယူပိတ်ဆို့မှုတွေ ဆိုင်းငံ့ဖို့ အချိန်ကျနေပြီလို့ ထင်ပါ တယ်။ လက်နက်ရောင်းချမှုပိတ်ပင်တာနဲ့၊ မြန်မာ့ဒီမိုကရေစီကို အနှောက်အယှက် အဟန့်အတားဖြစ်စေ တဲ့ လူ့အခွင့်အရေးချိုးဖောက်မှုတွေ ကျူးလွန်တဲ့၊ နိုင်ငံ့အရင်းအမြစ်တွေကို မတရားယူထားတဲ့ ပုဂ္ဂိုလ်တွေ၊ အဖွဲ့အစည်းတွေအပေါ် ပစ်မှတ်ထားပြီး အရေးယူထားတာတွေက လွဲလို့ပေါ့။ ဒါပေမယ့် ဒါဟာ အရေးယူ မှုတွေကို ရုပ်သိမ်းတာမဟုတ်ပါဘူး၊ ဆိုင်းငံ့ထားဖို့ပါ။ မြန်မာနိုင်ငံအတွင်း တိုးတက် မှုတွေ၊ ပြုပြင်ပြောင်းလဲ မှုတွေ ဆက်ဖြစ်နေတဲ့ အပေါ်မှာတည်ပြီး ဒီ အရေးယူမှုလျှော့ပေးတာတွေကို လုပ်သွားပါ့မယ်။”
မြန်မာအာဏာပိုင်တွေအနေနဲ့ ဒီမိုကရေစီနဲ့ စီးပွားရေးပြုပြင်ပြောင်းလဲမှုတွေ လက်တွေ့ ဆောင်ရွက်တဲ့ အပေါ်မှာ အမေရိကန်ပြည်ထောင်စုဘက်ကလည်း လုပ်ရပ်တခုချင်းကို တခုချင်းအလိုက်တုံ့ပြန်သွားမယ် လို့ ပြောထားတာပါ။ အခုလို မူဝါဒပြောင်းလဲဖို့ စဉ်းစားချက်ဟာ ပြုပြင်ပြောင်းလဲမှုတွေကို အားဖြစ်စေဖို့၊ မြန်မာပြည်သူတွေ အကျိုးခံစားခွင့်ရဖို့နဲ့ နှစ်နိုင်ငံ ဆက်ဆံရေးတိုးတက်ကောင်းမွန်လာဖို့ ရည်ရွယ်တယ်လို့လည်း အထက်လွှတ်တော်အမတ် မက်ကိန်းက ပြောသွားပါတယ်။ ဒါပေမယ့်လည်း အမေရိကန်ပြည်ထောင်စုအနေနဲ့ မြန်မာနိုင်ငံတွင်း ရင်းနှီးမြှုပ်နှံမှုတွေလုပ်တဲ့အခါမှာ မြန်မာပြည်သူတွေ လက်တွေ့အကျိုးဖြစ်ဖို့နဲ့၊ မြန်မာ့ဒီမိုကရေစီရေးကို အားဖြစ်စေဖို့ စံနှုန်းစံထား သတ်မှတ်ထားရှိဖို့လိုမယ်လို့ အထက်လွှတ်တော်အမတ် မက်ကိန်းက ပြောပါတယ်။
“မြန်မာနိုင်ငံတွင်း အမေရိကန်စီးပွားရေးလုပ်ငန်းတွေအတွက် လူမှုကျင့်ဝတ်သိက္ခာ စောင့်စည်းဖို့ အခြေခံ စံနှုန်းစံထားတွေ သတ်မှတ်ထားရပါမယ်။ မှန်ကန်တဲ့ရင်းနှီးမြှုပ်နှံမှုမျိုးနဲ့ လက်ခံလို့မရတဲ့ရင်းနှီးမြှုပ်နှံမှုမျိုး ကို ဒေါ်အောင်ဆန်းစုကြည်က ပိုင်းခြားသတ်မှတ်ထားတာ ရှိပါတယ်။ မှန်ကန်တဲ့ရင်းနှီးမြုပ်နှံမှုမျိုး ဟာ မြန်မာနိုင်ငံရဲ့ ပုဂ္ဂလိကအခန်းကဏ္ဍကို အားဖြစ်စေပါမယ်၊ နိုင်ငံသားတွေအတွက် အကျိုး ဖြစ်ထွန်းစေ ပါတယ်၊ နောက်ဆုံးမှာ စီးပွားရေးနဲ့ အရပ်ဘက်အုပ်ချုပ်မှုကို စစ်တပ်ကချုပ်ကိုင်ထားတာတွေ လျှော့ သွားစေပါလိမ့်မယ်။ လက်ခံလို့မရတဲ့ ရင်းနှီးမြှုပ်နှံမှုမျိုးကတော့ ဒါနဲ့ ဆန့်ကျင်ဘက်ပါ။ စီးပွားရေးမှာ နီးစပ်ရာလက်တဆုပ်ကပဲ လက်ဝါးကြီးအုပ်မှုကို အားဖြစ်စေပြီး မြန်မာနိုင်ငံဖွံ့ဖြိုးမှုဟာလည်း နောက် ဆယ်စုနှစ်နဲ့ချီ နောက်ကျသွားနိုင်ပါတယ်။ ဒါကြောင့်လည်း စစ်တပ်က ချုပ်ကိုင်ထားတဲ့ မြန်မာနိုင်ငံထဲမှာ အမေရိကန်ကုမ္ပဏီတွေ၊ အစိုးရပိုင်လုပ်ငန်းတွေနဲ့ စီးပွားရေးတွဲလုပ်တာမျိုးကိုတော့ ခွင့်ပြုသင့်တယ်လို့ မထင်ပါဘူး။”
မြန်မာနိုင်ငံအတွင်း ရင်းနှီးမြှုပ်နှံမှုတွေဟာ လူမှုဝတ္တရားတွေအပေါ် တာဝန်ယူလိုစိတ်ဖြစ်ဖို့၊ အလုပ်သမား အခွင့်အရေးတွေကို လေးစားလိုက်နာဖို့နဲ့ သဘာဝပတ်ဝန်းကျင် ထိန်းသိမ်းမှု ရှိဖို့ လိုမယ်လို့ သူက ထောက်ပြပါတယ်။ ဒါမှလည်း အမေရိကန်ကုမ္ပဏီတွေဟာ အခြား နိုင်ငံခြားရင်းနှီးမြုပ်နှံမှုတွေ အကြား စံပြအဖြစ်နဲ့ မြန်မာနိုင်ငံထဲ လူ့ကျင်ဝတ်သိက္ခာရှိတဲ့ နိုင်ငံခြားရင်းနှီးမြှုပ်နှံမှုတွေဖြစ်လာစေရေး ဦးဆောင် ဦးရွက် ပြုနိုင်မယ်လို့ မစ္စတာမက်ကိန်းက ပြောပါတယ်။
လက်ရှိ မြန်မာနိုင်ငံထဲက အခြေအနေကို အကဲဖြတ်ရာမှာတော့ မြန်မာအစိုးရသမ္မတ ဦးသိန်းစိန်နဲ့ လုပ်ဖော် ကိုင်ဘက်တွေဟာ ပြုပြင်ပြောင်းလဲလိုစိတ်ရှိသူတွေလို့ သူယုံကြည်တဲ့အကြောင်း ပြောပါတယ်။ နောက် သမ္မတဦးသိန်းစိန်အစိုးရအဖွဲ့အတွင်းမှာ ရှိနေသူတချို့ဟာလည်း အရင်တုန်းက အမေရိကန်-မြန်မာနှစ်ဘက် ဆက်ဆံရေးကောင်းစဉ်က အမေရိကန် စစ်ကျောင်းတွေမှာလာပြီးတော့ သင်တန်းတက်ခဲ့ဖူးသူတွေ၊ သူတို့ဟာ အမေရိကန်ပြည်ထောင်စုနဲ့ နီးစပ်လိုသူတွေဖြစ်တယ်လို့ သူက ယူဆပါတယ်။
“မြန်မာ့အရေးဟာ အမေရိကန်ပြည်ထောင်စုသံတမန်ရေးမှာ နောက်ထပ်အရေးပါတဲ့ စမ်းသပ်မှုဖြစ်ပါတယ်။ လွန်ခဲ့တဲ့နှစ်အတွင်း ကျနော် မြန်မာနိုင်ငံကို နှစ်ကြိမ်သွားရောက်ပါတယ်။ မြန်မာနိုင်ငံမှာ လုပ်ဆောင် စရာတွေ အတော်ကျန်နေသေးတယ်၊ လုပ်ရဦးမယ်ဆိုတာကို သေချာစေချင်တာပါ။ အထူးသဖြင့်တော့ အကြမ်းဖက်မှုတွေ ရပ်တန့်ဖို့၊ မြန်မာနိုင်ငံရဲ့ တိုင်းရင်းသားလူနည်းစုတွေနဲ့ စစ်မှန်တဲ့ အမျိုးသား ရင်ကြားစေ့ရေး လုပ်ငန်းတွေ လုပ်ဆောင်ဖို့ဖြစ်ပါတယ်။ ဒါပေမယ့်လည်း လက်ရှိ မြန်မာသမ္မတနဲ့ အစိုးရအဖွဲ့အတွင်းက သူ့မဟာမိတ်တွေဟာ ပြုပြင်ပြောင်းလဲရေးအတွက် တကယ့်စိတ်ရင်းမှန်ရှိတယ်လို့ ကျနော် ယူဆပါတယ်။ တကယ့်ကို တိုးတက်မှုတွေ အတွက်လည်း ဆောင်ရွက်နေကြပါတယ်။”
မစ္စတာမက်ကိန်းဟာ အရင်တုန်းကတော့ မြန်မာနိုင်ငံအပေါ် အမေရိကန်ပြည်ထောင်စုရဲ့ အရေးယူ ဒဏ်ခတ်မှုတွေကို တက်တက်ကြွကြွ ထောက်ခံအားပေးသူတဦးဖြစ်ပါတယ်။ သူဟာ အမေရိကန်နိုင်ငံရေး နဲ့ လွှတ်တော်ထဲ သြဇာကြီးမားသူတဦးဖြစ်တာကြောင့်လည်း အခုလို မြန်မာအပေါ်အရေးယူမှုတွေ ဆိုင်းငံ့ဖို့ သူ့သဘောထား ထုတ်ဖော်ပြောလိုက်တာဟာ မကြာခင် အမေရိကန်ပြည်ထောင်စုရဲ့ သဘောထား ဖြစ်လာဖွယ် ရှိတယ်လို့ ယူဆရပါတယ်။ အခု မေလ ၂၀ ရက်နေ့မှာ အမေရိကန် ပြည်ထောင်စုက မြန်မာနိုင်ငံအပေါ် အရေးယူမှုဥပဒေတရပ် ကို သက်တမ်းတိုးပေးရမယ့် အချိန်ရောက်တော့မှာပါ။ ဒါကြောင့် အခု မစ္စတာမက်ကိန်း ပြောဆိုချက်ဟာ ဒီဆုံးဖြတ်ချက်အပေါ်မှာ သက်ရောက်လာနိုင်မယ်လို့ ယူဆရပါတယ်။
Ref: VOA News
Read More...
Collapse...
တနင်္လာ, 14 မေ 2012
မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ဟာ အခု မေလ ၁၅ ရက်နေ့၊ အမေရိကန် စံတော်ချိန် မနက်ပိုင်းမှာ ကမ္ဘာ အရပ်ရပ်က လွတ်မြောက်ရေး လှုပ်ရှားမှုတွေနဲ့ ပတ်သက်လို့ တိုက်ရိုက်ဆွေးနွေး စကားပြောဆိုဖို့ ရှိနေပါတယ်။
အမေရိကန်သမ္မတဟောင်း George W.Bush တည်ထောင်တဲ့ Bush Center က ပြုလုပ်မယ့် ကမ္ဘာ အရပ်ရပ်က လွတ်မြောက်ရေး လှုပ်ရှားသူတွေရဲ့ ရဲစွမ်းသတ္တိကို ဂုဏ်ပြုတဲ့ အခမ်းအနားမှာ ဒေါ်အောင်ဆန်းစုကြည်က အင်တာနက်တဆင့် တိုက်ရိုက် ဗွီဒီယိုမိန့်ခွန်း ပြောဆိုမှာဖြစ်ပါတယ်။ ဒီမတိုင်ခင်မှာတော့ သမ္မတဟောင်းဘွတ်ရ်ှရဲ့ ဇနီးဖြစ်သူ Laura Bush က ဒေါ်အောင်ဆန်းစုကြည်အကြောင်း မိတ်ဆက် စကားပြောဖို့ စီစဉ်ထားပါတယ်။
သမ္နတ ဘွတ်ရ်ှကလည်း ကမ္ဘာအ၀ှမ်း လွတ်မြောက်ရေးလှုပ်ရှားမှုမှာ တိုက်ပွဲဝင်နေသူတွေအကြောင်းကို မှတ်ချက် မိန့်ခွန်းစကား ပြောဖို့ ရှိပါတယ်။ ၂၀ ရာစုနဲ့ ၂၁ ရာစုအတွင်း လွတ်မြောက်ရေးလှုပ်ရှားမှုတွေမှာ ဖိနှိပ်တဲ့အစိုးရအောက် ရဲရဲဝင့်ဝင့် တိုက်ပွဲဝင်ခဲ့ကြတဲ့ တိုက်ပွဲဝင်နေကြတဲ့ ရဲစွမ်းသတ္တိ ပြည့်ဝတဲ့ အမျိုးသား၊ အမျိုးသမီးတွေရဲ့အကြောင်းကို ဖော်ပြတဲ့ Freedom Collection လွတ်မြောက်ရေး တိုက်ပွဲဝင် သူများရဲ့ အတ္ထုပ္ပတ္တိကိုလည်း ပြသဖို့ ရှိပါတယ်။
အဲဒီအထဲမှာတော့ မြန်မာနိုင်ငံကဆိုရင် ဒေါက်တာစင်သီယာမောင်၊ ရှမ်းတိုင်းရင်းသား နန်းချန်တောင်း၊ ချင်းတိုင်ရင်းသူ ချယ်ရီဇာဟောင်း၊ မြန်မာတိုင်းရင်းသူ မခင်ဥမ္မာနဲ့ ရွှေဝါရောင်တော်လှန်ရေးမှာပါခဲ့တဲ့ ပခုက္ကူကျောင်းတိုက်တခုက အရှင်ဣသရိယတို့အကြောင်းကို ထည့်သွင်း ဖော်ညွှန်းထားပါတယ်။
သမ္မတဟောင်းဘွတ်ရ်ှဟာ သူ့သမ္မတ သက်တမ်းနှစ်ခုအတွင်း မြန်မာ့အရေးကို အရေးတယူ ပြတ်ပြတ် သားသား ကိုင်တွယ်ခဲ့သူလို့ လှုပ်ရှား တက်ကြွသူတွေအကြား ထင်ရှားပါတယ်။ သူလက်ထက်မှာပဲ စစ်အစိုးရကို နှစ်ကြိမ်တိုင်တိုင် အရေးယူ ဒဏ်ခတ်မှုတွေ ချမှတ်ခဲ့ပါတယ်။ ဇနီးဖြစ်သူ Laura Bush ဟာလည်း မြန်မာ့အရေးကို စိတ်ဝင်စားပြီး ဒေါ်အောင်ဆန်းစုကြည်ကို တက်တက်ကြွကြွ အားပေးထောက်ခံခဲ့သူ ဖြစ်ပါတယ်။ သူဟာ ၂၀၀၈ ခုနှစ်အတွင်းမှာ ထိုင်း မြန်မာနယ်စပ်ကို သွားရောက်ခဲ့ပြီး အဲဒီမှာ မြန်မာဒုက္ခသည်တွေ လူမှုရေးအဖွဲ့တွေကို တွေ့ဆုံ အားပေးခဲ့ပါတယ်။
Ref: VOA News
Read More...
Collapse...
ကိုကျော်ကျော်သိန်း
တနင်္လာ, 14 မေ 2012
တောင်ကိုရီးယားသမ္မတ အီလ်မြောင်ဘာ့က် (Lee Myung-bak) ဟာ ဒီကနေ့မှာ နှစ်ရက်ကြာ မြန်မာနိုင်ငံ ခရီးစဉ်ကို စတင်ပြီဖြစ်ပါတယ်။ ဆယ်စုနှစ် သုံးစုနီးပါးအတွင်း မြန်မာနိုင်ငံဆီ လာရောက်တဲ့ တောင်ကိုရီး သမ္မတ တစ်ယောက်ရဲ့ ပထမဆုံး ခရီးစဉ်အတွက် ရန်ကုန်မြို့ရဲ့ အဓိကကျတဲ့ နေရာတွေမှာ လုံခြုံရေးတွေ အထူး တင်းကျပ်ထားပါတယ်။ မစ္စတာ အီလ်မြောင်ဘာ့က်ဟာ အခုဆိုရင် နေပြည်တော်မှာ ရောက်နေပြီဖြစ် ပြီး သမ္မတ ဦးသိန်းစိန်နဲ့ တွေ့ဆုံဆွေးနွေးဖို့ ရှိပါတယ်။ မြန်မာ့ဒီမို ကရေစီ ခေါင်းဆောင် ဒေါ်အောင်ဆန်းစုကြည်နဲ့ တွေ့ဆုံမယ် ဆိုတဲ့သတင်းတွေ ကျယ်ကျယ်ပြန့်ပြန့် ထွက်နေပေမဲ့ လုံခြုံရေး အကြောင်းပြချက်နဲ့ နှစ်ဘက်စလုံးက တရားဝင် ထုတ် မပြောကြပါဘူး။ ဒီအခြေအနေ အပြည့်အစုံကို ဘန်ကောက်ကနေ ဆက်သွယ် စုံစမ်းထားတဲ့ ကိုကျော်ကျော်သိန်းက တင်ပြပေးထားပါတယ်။
မြန်မာနိုင်ငံပါဝင်တဲ့ ASEAN+3 ရဲ့ အနာဂတ် လုပ်ဆောင်ဖွယ်ရာတွေအတွက် ပြင်ဆင်ဖို့ မြန်မာနိုင်ငံကို လာတာ ဖြစ်တယ်လို့ သိထားရတဲ့ တောင်ကိုရီးယား သမ္မတရဲ့ နှစ်ရက်ကြာ ခရီးစဉ်ဟာ ဒီကနေ့ ညနေပိုင်း မှာပဲ စတင်တာဖြစ်ပါတယ်။ မြန်မာနိုင်ငံဆီ တောင်ကိုရီးယား သမ္မတတဦး နောက်ဆုံး လာရောက်ခဲ့တာက ၁၉၈၃ ခုနှစ်ကပါ။ အဲဒီအချိန်က သမ္မတ ချန်ဒူးဝှမ်နဲ့ အဖွဲ့ အာဇာနည်ကုန်းမှာ အာဇာနည်ခေါင်းဆောင် ကြီးတွေကို ဂါရ၀ပြုမယ့် အချိန် မြောက်ကိုရီးယား သူလျှိုတွေက ဗုံးခွဲလုပ်ကြံဖို့ ကြိုးစားတာကြောင့် တောင်ကိုရီးယား ဒုတိယ ၀န်ကြီးချုပ်နဲ့ နိုင်ငံခြားရေး ၀န်ကြီး အပါအ၀င် အစိုးရအဖွဲ့ဝင် အတော်များများ ထိခိုက် ဒဏ်ရာရ သေဆုံး ခဲ့ကြရပါတယ်။
အဲဒီအချိန်က မြန်မာအစိုးရကလည်း မြောက်ကိုရီးယား အစိုးရနဲ့ ချက်ခြင်း သံတမန် အဆက်အသွယ် ဖြတ်တောက် ပစ်ခဲ့ပါတယ်။ ၂၀၀၇ ခုနှစ်မှာတော့ မြန်မာနဲ့မြောက်ကိုရီးယား အကြား တရားဝင် သံတမန် အဆက်အသွယ် ပြန်ထူထောင် ခဲ့ကြပါတယ်။
အခု အပြောင်းအလဲတွေ ဖြစ်လာနေတဲ့ မြန်မာနိုင်ငံမှာ မြောက်ကိုရီးယားနိုင်ငံသားတွေ လုပ်ငန်း လုပ်ဆောင်နေကြတာတွေ ကလည်း ရှိနေပါတယ်။
တောင်ကိုရီးယားသမ္မတ ရောက်မလာခင်ကတည်းက ရန်ကုန်မြို့ အဓိကနေရာတွေမှာ လုံခြုံရေးတွေ သိသိသာသာ ချထားတာကို တွေ့ရတယ်လို့ ရန်ကုန်မြို့ခံတွေက ဗွီအိုအေကို ပြောပါတယ်။
"ကမ္ဘာအေးဘုရားလမ်းတောက်လျှောက်၊ တက္ကသိုလ်ရိပ်သာလမ်း၊ လှည်းတန်းဘက်- အဲဒီ ကျနော်သွားတဲ့ ဘက်တွေမှာတော့ ဓာတ်တိုင် တတိုင်ကြား၊ တတိုင်ကြားမှာ နှစ်ယောက်-နှစ်ယောက် ချထားတာ တွေ့ တယ်။ တက္ကသိုလ်ရိပ်သာလမ်းမှာဆိုရင်လည်း ရဲကားတစ်စီးနဲ့အပြည့် ဒေါ်အောင်ဆန်းစုကြည် အိမ်နား မှာတွေ့တယ်။ ပြီးတော့ ကုက္ကိုင်း၊ မြကျွန်းသာမှာဆိုရင်လည်း ရဲကားတစ်စီးနဲ့အပြည့်တွေ့တယ်။ ဒါတွေက မမြင်ရတာကြာနေတဲ့ မြင်ကွင်းတစ်ခုလို ဖြစ်နေတယ်လေ။ လုံခြုံရေး အဲဒီလောက် ချထားတာ ဒီဘက် နောက်ပိုင်းမှာ ဒါ ပထမဦးဆုံး ရှားရှားပါးပါး ပြန်တွေ့ရတာပေါ့။ ဒီနေ့မနက် ကျနော် အပြင်ထွက်တဲ့ အနေအထားမှာတော့ အဲလို ရဲတွေချထားတာတော့ တွေ့တယ်။ ဒါပေမယ့် ကားကြီးတွေနဲ့ ချထားတာတော့ သိပ်မတွေ့ရတော့ဘူး။ ဒါပေမယ့် ထူးထူးခြားခြားဆိုလို့ မြို့ထဲက Central Hotel တို့၊ Traders Hotel တို့ ပတ်ဝန်းကျင်မှာတော့ ပတ်ပတ်လည်မှာ လုံခြုံရေး တော်တော်လေး ချထားတယ်လို့ ပြောတယ်ခင်ဗျ"
"ဦးဝိစာရလမ်းဘက်တွေမှာတော့ လွန်ခဲ့တဲ့ နှစ်ရက်လောက်က ချထားတာတော့ တော်တော်များများ တွေ့တယ်။ နောက် တော်လှန်ရေး ပန်းခြံ တဝိုက်၊ အဲဒီမှာတော့ လုံခြုံရေးများများ ချထားတာတော့ တွေ့တယ်။ ရဲတွေကို ဓာတ်တိုင် တတိုင်ခြားမှာ နှစ်ယောက်-နှစ်ယောက် ချထားတယ်။ ကားလေးတွေကိုပါ သူတို့က ချထားတယ်။ အဲဒီမှာတော့ incharge တွေ ရှိတာပေါ့။ သူတို့ရဲ့ တကိုယ်ရေကိုင်တဲ့ သေနတ်ပါတယ်ပေါ့ဗျာ။ equipment (လက်နက်) အပြည့်အစုံနဲ့ပေါ့။"
အခု လုံခြုံရေးတင်းကျပ်ထားပုံဟာ အမေရိကန်နိုင်ငံခြားရေးဝန်ကြီး ဟီလာရီကလင်တန် လာတဲ့ အချိန်တုန်းက ထက်တောင် ပိုသေးတယ်လို့ တခြား ရန်ကုန်မြို့ခံ တချို့ကလည်း ပြောပါတယ်။ အခုလောက်ထိ တင်းကျပ် ထားတာက ဘာ့ကြောင့် ဆိုတာကို တော့ တကယ်တမ်း တိတိကျကျ မသိကြပါဘူး။ နိုင်ငံအကြီးအကဲ တယောက် လာမှာမို့ ပုံမှန်အတိုင်း လုပ်တာပဲလို့ ထင်ကြသူတွေ ရှိသလို ဘာများဖြစ်လာနိုင်လို့လည်း ဆိုပြီး တွေးပြီးတော့ စိုးရိမ်သူတွေလည်း ရှိပါတယ်။
"ထူးဆန်းတာကတော့ equipment အပြည့်အစုံ၊ လက်နက်အပြည့်အစုံနဲ့ အဲလိုမျိုး- တကယ်လုံခြုံရေး ယူထားတယ် ဆိုတဲ့ အနေ အထားမျိုးကို တွေ့ရတယ်။ ကျန်ခဲ့တဲ့ သုံးလေးရက်လောက်က အဲလိုမျိုး လုံခြုံရေးတွေ အပြည့်ယူထားတာတွေ့ရတော့ ကျနော်လည်း လက်လှမ်းမီသမျှ သူငယ်ချင်းတွေကို မေးကြည့်တော့ သူတို့ကတော့ ကိုရီးယားသမ္မတလာဖို့ရှိတယ်။ အဲဒါကြောင့်လား မသိဘူးလို့တော့ ပြောကြတယ်။ ကျနော့် တစ်ဦးထဲ ခံစားချက်ကို ပြောရရင်တော့ ဒါက နည်းနည်း ထူးခြားသလိုဖြစ်နေတယ်။ အဲလိုမျိုးတွေ မတွေ့ရတာ ကြာပြီဖြစ်တဲ့အတွက်ကြောင့် ဒီမြင်ကွင်းကြီးက ကျနော့်အတွက်တော့ ထူးခြားတယ်။ ဘာများ တခုခု ဖြစ်နိုင်ခြေရှိလား ဆိုတဲ့ စိုးရိမ်မှုတော့ ရှိတယ်။ တခြား သူငယ်ချင်းအပေါင်းအသင်းတွေကို မေးတဲ့အခါကျတော့ တချို့လည်း စိုးရိမ်ကြတယ်၊ တချို့လည်း မစိုးရိမ်ဘူးပေါ့လေ၊ ဒါက- နိုင်ငံ့အကြီးအကဲတစ်ယောက် လာမှာမို့လို့ အဲလိုမျိုး သမန်ကာလျှံကာ တွေးတဲ့လူလည်း ရှိပါတယ်။"
သမ္မတ အီလ်မြောင်ဘာ့က်ဟာ အမျိုးသားဒီမိုကရေစီအဖွဲ့ချုပ်ဥက္ကဋ္ဌ၊ ပြည်သူ့လွှတ်တော် ကိုယ်စား လှယ် ဒေါ်အောင်ဆန်းစုကြည် နဲ့လည်း တွေ့ဆုံနိုင်တယ် ဆိုတဲ့ သတင်းတွေ သူမရောက်ခင် ကတည်းက ကျယ်ကျယ်ပြန့်ပြန့် ထွက်ထားပေမဲ့ လုံခြုံရေး အကြောင်း ပြချက်နဲ့ NLD ဘက်ကရော တောင်ကိုရီးယား ဘက်ကပါ တရားဝင် အတည်ပြု ပြောဆိုတာမရှိပါဘူး။
တောင်ကိုရီးယား သမ္မတဟာ သူ့ရဲ့ခရီးစဉ်အတွင်း မြန်မာသမ္မတအပါအ၀င် ထိပ်တန်းခေါင်းဆောင်တွေနဲ့ တွေ့ဆုံ ဆွေးနွေးတဲ့ အခါ မြန်မာနဲ့ မြောက်ကိုရီးယား အကြား စစ်ရေးဆိုင်ရာ ဆက်ဆံရေး အခြေ အနေကိုလည်း ထည့်သွင်း ဆွေးနွေးဖွယ် ရှိတယ်လို့ တောင်ကိုရီးယားက လာတဲ့ သတင်းတွေမှာ တွေ့ရပါတယ်။ ဒါ့အပြင် စီးပွားရေးနဲ့ ရင်းနှီးမြှုပ်နှံမှုဆိုင်ရာ ကိစ္စတွေကိုလည်း ဆွေးနွေး ကြမှာဖြစ်ပါတယ်။
တောင်ကိုရီးယားကုမ္ပဏီတွေရဲ့ မြန်မာနိုင်ငံတွင်း တိုက်ရိုက်ရင်းနှီးမြှုပ်နှံမှုဟာ နံပါတ်လေးအဆင့်မှာ ရှိပြီး ကုမ္ပဏီပေါင်း ၄၉ ခုက အမေရိကန်ဒေါ်လာ သန်းပေါင်း ၃,၀၀၀ နီးပါး ရင်းနှီးမြှုပ်နှံ ထားပါတယ်။ သဘာဝ ဓာတ်ငွေ့ အပါအ၀င် သယံဇာတ အမျိုးအစား အများအပြား ရှိတယ်လို့ သိထားကြသလို စာတတ်မြောက်သူ အရေအတွက် မြင့်မားတဲ့ မြန်မာနိုင်ငံမှာ အခုဆိုရင် ပိုပြီးတော့ ပွင့်လင်း လာပြီဖြစ်တာကြောင့် တောင်ကိုရီးယား ကုမ္ပဏီတွေ နောက်ထပ် ရင်းနှီးမြှုပ်နှံမှု လုပ်ဖို့ ပြင်ဆင်နေကြမှာကတော့ အသေအချာပါပဲခင်ဗျား။
Ref: VOA News
Read More...
Collapse...
Posts
